m24 - Udal eta foru hauteskundeak

Askoren haserrea piztu du Irungo PSE-EEk argitaratutako hauteskunde propagandarekin. Izan ere, akats ugari ageri dira euskarazko testuan.

.@PSEGIPUZKOA Ola ke ase, Google traductor al vasco o ke ase pic.twitter.com/cbXGmXMA1R

— Fertxo (@Fertxo_AR) May 13, 2015

Espero ez zuen leku eta alderditik egin diote propaganda EH Bilduri gaur. Eloy Suarez PPko Zaragozako hautagaia da irudikoa; Zesar Corella Puyalon alderdiko kideak koalizio subiranistaren aldeko txio bat idatzi duela-eta, eta PPko hautagaiak Zaragoza En Común-ekoari eskatu dio argi dezala ea plataforma horrek EH Bildu babesten duen —Zaragoza En Común osatzen dutenetako bat da Puyalon—. Txioaren irudia eskuan zuela agertu da PPko hautagaia prentsaren aurrean.

O candidato a l'alcaldía d'o PP en Zaragoza fa campanya por EHBildu pic.twitter.com/WwaYDxiYj2

— Zucre (@Zucre1) May 13, 2015

36ko gerra diseinatu zuen Mola jenerala eta 1932an estatu kolpea jo zuen Sanjurjo jenerala Iruñea erdialdeko Rodezno kondearen plazako mausoleoan dira. Gainera, plazak Tomas Dominguez Arevalori, Rodeznoko kondeari, ematen dio izena. Bertan egin du goizeko ekitaldi nagusia EH Bilduk. "Lotsaren plaza" deitu dio Adolfo Araiz presidentegaiak, eta Europan onartuko ez litzatekeen gunetzat jo du. Joseba Asiron Iruñeko alkategaiak, berriz, eraikinari zer erabilera eman ikusteko, herritarren artean eztabaida piztu eta nazioarteko ideia lehiaketa bat egitea proposatu du memoriaren eta giza eskubideen omenez. Era berean, Memoria Histikoaren Bulegoa sortu nahi dute Iruñeko Udalak bultzatua, baina Nafarroako Gobernuarekin eta NUPekin elkarlanean.

Azpeitiko EH Bilduko eta EAJko alkategaien buruz burukoa izango da datorren asteartean, Sanagustin kulturgunean: http://uztarria.eus/aktualitatea/1431515059

Zaharra berri Gipuzkoan? erreportajean Gipuzkoako Batzar Nagusietako 1991ko inbestidura kontuak ere badaude, EAJ-PSE akordioak Imanol Murua (EA) berriro diputatu nagusi izatea eragotzi zuenekoak, eta artikuluaren post scriptum gisa osagarri izan liteke Joan Mari Torrealdairen Imanol Murua. Gipuzkoako alkate liburuko 174. eta 175. orrialdeetakoa gogoratzea. Xabier Olano EH Bilduren oraingo ahaldungai nagusia bera ere mintzo da orrialdeotan (HBko batzarkidea zen).

Zenbat balio du boto batek? Zertarako? Norentzako? Zergatik? Ez, ez, zenbat balio du dirutan? Jokin Sagarzazu lankidearen gaurko erreportajeak dakar datua —beste zenbait datu esanguratsurekin batera—: "Foru hauteskundeen kasuan, alderdiek 10.000 euro jasoko dituzte batzarkide bakoitzeko, eta 0,54 euro boto bakoitzeko". http://www.berria.eus/bereziak/hauteskundeakM24/albisteak.php?testua=13275

Denis Itxasoren elkarrizketa dela-eta post scriptum bat. Gipuzkoako PSEren ahaldungai nagusiak dio gustuko politikaria zuela Imanol Murua zena. Bazituela desadostasun ideologikoak, baina estimatzen zituela haren formak. "Politikan ez nuen Imanolekin kointziditu, baina bai gero Firin Faran-en eta". 1985etik 1991ra izan zen Murua Gipuzkoako diputatu nagusi (Itxaso 1975ekoa da), eta 1991n EAk berriro kargurako proposatu zuenean PSEk (foru hauteskundeetako laugarren indarra) EAJko (hirugarrena) Eli Galdosi emandako botoengatik geratu zen atzera kargura iristeke. Formak.

Bi elkarrizketa gaur BERRIAn. Gipuzkoakoan @DenisItxaso-k dio ez dela EAJz fio. Nafarroakoan @laperua-k ez dela fio PSNz. Maiatzaren 24ean egingo dira hauteskundeak, baina aurten garbi dago presidente, ahaldun nagusi eta alkate karguak ondoren erabakiko direla, kasu askotan.

Konfiantza kontuak alde batera utzita, Nafarroan alderdiak garbi ari dira esaten norekin egingo luketen akoridioa eta norekin ez. Gipuzkoan, berriz, geroz eta gehiago entzuten da EAJ-PSE koalizio bat egon daitekeela, baina ezer garbirik ez dago. Hona hemen azken hilabeteetako inkestek eman dituzten emaitzak:

EAJk, EAk, Aralarrek, Bilduk, PP, PSEk, PSNk, CDNk... Hemen denek galarazi izan diote indar bozkatuenari gobernua. Erreportajea