Galderak egitea maite duen liburua naiz ni. Gogokoago dut galderak dituen mundua erantzunak dituena baino, ikertzea maite baitut, baita nahaspilatzea ere. Galderak egitea mundua nahastea da, eta nahasmendurik eta ikerketarik gabeko mundua mundu tristea eta aspergarria da.

Kattak ezin izan zuen siesta egin, marigorringo batek laguntza eskatu ziolako: Winston barraskiloak arazo bat zeukan, arazo koloretsu bat.

Zure burmuina ezagutzen duzula uste duzu, ezta? Baita zera ere! Burmuina zure belarri artean eroso bizi den masa nahasi bat da, etengabe arreta galtzen duena, ditxosozko biderkatzeko taulak gogoratu ezin dituena eta jatea izugarri atsegin duena.

Inspira zaitez mundu osoko hamaika artista iraultzailerekin, eta, gero, probatu haien teknika harrigarriak etxean, urratsez urrats azaldutako 25 jarduera dibertigarriren bidez. Liburu hau mota guztietako sormen lanak egiteko ideia irudimentsuz beteta dago.

Aita baten eta haren alabaren arteko maitasun sakona, eta ikusteko mugetatik harago ikusteko gaitasuna agertzen dira liburu honetan. Iluntasunean bizitzeak edo ikus-eremu murriztua izateak ez dute zertan bizitza oso baten garapena oztopatu.

Martzelo haur itsu bat da. Nahiz eta itsua izan eta begiak erabili ez, oso ondo baliatzen da gainontzeko zentzuekin; esan nahi da eskuekin edo belarriekin. Halere, haur batzuek uste dute haur gaixoa dela. Baina, ez da gaixoa. Hori oso ondo daki Marimattalen Katiuxkak.

Peru eta haren ama gose ziren. Haien etxetik hurbil Tartalo eta haren emaztea bizi ziren, ardi asko zituztenak. Peruk amarruren bat asmatu beharko zuen ardi pare bat lortzeko...

Peluxezko hartzatxo leun bat, zapata distiratsuak, punpaka dabilen baloi bat... Haurrek hamaika testura harrigarri aurkituko dute liburu honetan, irudimena sustatu eta txiki-txikitatik ikasten hasteko.

Aspaldi, Isovol herrian, iturrira joateko errekaren bestaldera joan behar zuten, baina zubirik ez. Egun batean, deabruak zubia eraikitzea eskainiko dio Ponetari, arimaren truke. Onartuko ote du tratua Ponetak?

Material honekin kantuan eta boz goran jolasterakoan, zenbakiak, letrak eta koloreak landu daitezke.  Oharkabean, bertsotako hainbat doinu, errima, neurri, hitz joko eta errepikapen ere aurkituko ditugu.