Gretak sekulako alergia die animaliei. Hori dela eta, maskota gisa hodei bat izatea erabaki du, eta lepoko bat ere jarri dio, paseatzera ateratzeko. Maskotatzat hodei bat izateak alderdi on asko ditu, bizilagunei ureztatzen lagun diezaiekeela eta suteak itzal ditzakeela, esaterako.

Goizero ateratzen nintzen etxetik hodeiak ikustera. Egunen batean haiekin dantza egin ahal izatea amesten nuen. Amatxokia ahazteko esaten zidan, txoriek bakarrik lortzen zutela hodeietara iristea. Baina ni tematuta nengoen...

Martina ilusio handiz hasi da eskolako futbol taldean. Baina lehen partidaren ostean, ikusi du taldeko kapitainak nabarmentzeko grina duela eta ez duela taldean jokatzen, eta gainontzeko jokalariek ere ez dute parekotzat hartzen, neska izate hutsagatik...

Xaturri dena ahazten zaio bere lagunekin jolasten denean; beraz, ez zaio etxera itzultzea gustatzen, zain izaten duelako han untxi andrea eta erantzuten ez dakien galderak egiten dizkiolako. Ama untxiak errezetak bilatzen ditu hobeto senti dadin.

Josefina beti behaketan dabil: lur arrasean, zerumugan, goian eta behean, urrun eta gertu, begiak zabal-zabalik eta lepoa luze, bakarrik edo lagunekin! Munduan hainbeste gauza miragarri dago ikusteko! Oda bat sinpletasunari eta natura gozatzeari, atsedenari eta behaketari.

Behin batean, bazen izarrak oso maite zituen ume bat. Gauero, bere logelako leihotik zeruko izarrei begira egoten zen, eta amets egiten zuen nola izan zitekeen haien laguna eta nola jolas zitezkeen elkarrekin gorde-gordeka. Egun batean, izar bat harrapatzea erabaki zuen…

Amaitzean berriro hasiko den istorio bat; berriro hasi, baina desberdin. Bidaia bat urtaroetan zehar, bizitzako aldaketa txiki eta handien berri izateko. Sagutxo familia bat protagonista duen istorio honek urte batean zehar urtaroz urtaro gertatzen den guztia islatzen du.

Animaliak gustatzen zaizkizu? Liburu eder hau maitatuko duzu. Formatu handia du, eta diseinu deigarria. Ilustrazioak sinpleak dira, eta erraz antzeman daiteke zer animalia den bakoitza. Hala, etxeko txikiak orrialde artean harrapatuta geratuko dira animalien izenak ikasten dituzten bitartean.

Taldeko animalietan taldekoenak dira ardiak. Izan ere, denek egiten dute beti gauza bera. Elkarrekin jan, eta denek batera egiten dute kaka. Elkarrekin egoten dira, iragaten diren trenei begira. Egunero egiten dute gauza bera, denek batera. Edo agian ez denek, ezta, Kirri?

Peiok biziki egun txarra iragan du. Ez da umore onean, eta gainera, aitak erasiatu du. Orduan Peiok Gauza ikaragarria sentitu du bere baitan igaten. Gauza horrek makur handiak egin ditzake... aski goiz ez baldin bada geldiarazten.