Batzuek irabaz dezaten beste batzuek galdu behar dute. Txirrindularien lasterketa honetan, Maurizio azken doa. Baina ez du amore emango: pedalei eragin eta eragin ibiliko da, lasterketaren amaierara heltzeko asmoz. Horretarako hartuko duen bidea, aldiz… Berezia izango da.

Aldo axolote txiki-txiki eta berezia da. Bere hankatxo motzek eta gorputz luze-luzeak ez diote uzten igelak bezain altu salto egiten, ezta arrainak bezain azkar igeri egiten ere. Baina, bisitari bihurri batzuek ezustean topatzean, Aldok nabarmentzeko aukera izango du.

Akatsen lorategia hazteaz, okertzeaz eta ikasteaz mintzo den istorio hunkigarri bat da. Mei jakin-min handiko neska geldiezin bat da, gurasoekin azokara joan ohi dena, harik eta, arratsalde batean, mugak zeharkatzeko eta antzinako santutegi batean barneratzeko bulkada duen arte.

Alinak hain irrikan zain zuen paketea azkenean iritsi zen. Baina une hartatik aurrera, gauzak ez ziren bere irudimenean pentsatu bezala joan. Gure irudimena baino jostailurik hoberik ba al dago?

Sope eta Lana deitzen dira nire gurasoak. Lur deitzen naiz ni, eta Bizkor gure txakurra. Bidaiari porrokatuak gara. Behin, beste planeta batera joateko aukeratuak izan ginen, eta abentura handiak bizi izan genituen hango bazterrak esploratuz. Goazen, bada, planeta berrira!

Mitologia lehiaketa bat irabazi ondoren, bi familia euskaldunek Euskal Herrian zehar txango bat egiteko aukera lortu dute. Bidaian, zazpi lurraldeak bisitatzeko eta euskal izaki mitologikoak eta haien istorioak ezagutzeko parada izango dute. 

Saguak erabaki du: aurten, kostaldean igaroko ditu oporrak. Zoaz harekin zu ere, eta ekin egunero abentura berri bati, eraiki hondarrezko gaztelu ederrak, jan izozki gozo bat pasealekuan, gozatu duna arteko txangoez, behatu itsas txoriei...

Amalurra akitua da eta pausatu nahi luke, baina haurrak inguruan izanki ez zaio aise izanen… CDaz eta liburuxkaz osatu ipuin musikatua: obra artistikoa lau urtaroen inguruan.

Aspaldi hartan ere baziren emakume argiak. Horietako bat: Bizenta Mogel Elgezabal. Emakumezko lehen euskalzlea izan omen zen. Nolakoa ote zen txikitan? Ezagutu nahi? 

Liburu honetan, lanbideen eguneroko jardunekin lotutako irudi bilduma bat dago. Besteak beste, merkatuaren, ospitalearen eta energia berriztagarrien inguruko eszenek sustatzen dute ekintzei buruzko elkarrizketa.