deontologia >> Jarraibideak >> Kazetarien jardunbidea >> Informazioa biltzeko bideak

›Kazetaritzaren jardunean, informazioa bilatu eta eskuratzea da lehenengo zeregina. Ez da edozelan egin behar: kazetariak zilegizkoak diren bideak erabiliko ditu argazkiak, adierazpenak eta dokumentuak lortzeko. Kazetariak ez du ahaztu behar, irakurleek duten informazio eskubidea gorabehera, pertsonek ez dutela zertan erantzun kazetariak egindako galderei, ezta hark eskatutako frogarik zertan eman ere.

›Informazioa bide zilegietatik lortzeko ahaleginari lotuta, sekretu profesionala da kazetariaren betekizun nagusietakoa: iturriari zor dion isilpekotasuna. Kazetariak informazio iturriaren izena inori ez emateko betekizuna du, iturriak hala eskatzen dionean.

ADN froga* e. DNA proba.

aurrez emandako froga (froga prekonstitutu*).

DNA froga* e. DNA proba.

froga. Epaitegietakoak 'frogak' dira, ez 'probak'. Era berean, zerbait argi eta garbi erakusteko balio duena 'froga' da. Begi bistan duzu nire arrazoibideen froga.

frogatu 1. Froga eman. Egia zela frogatu zuen.

frogatu 2* e. probatu. Proba egin, dastatu. Lan honetan probatu nahi dut, ea egokitzen naizen. Sagardoa probatu genuen.

akreditatu 2* e. egiaztatu, frogatu.

egiaztatu. Zerbait egiazkoa dela ikusi edo frogatu. Horrela zela baieztatu zuen kazetariak, baina egiaztatu gabe, eta orain jakin dugu gezurra zela.

inplikazio 1* e. parte hartze, parte hartu, zerikusia izan. Frogatuta dago ez zuela inolako inplikaziorik izan iruzurrean*[e.] Frogatuta dago ez zuela inola ere parte hartu iruzurrean.

proba. Esperimentuak, kirol lehiak, etsaminak eta analisi medikoak 'probak' dira, ez 'frogak'. Lurreko telebista digitalak frogak egiten ari dira, emanaldiak hasi aurretik*[e.] Lurreko telebista digitalak probak egiten ari dira, emanaldiak hasi aurretik. // Arrunt froga gogorra da maratoia*[e.] Arrunt proba gogorra da maratoia. Proba nuklearrak. DNA proba. Ebaluazio proba. Atariko proba.

Neguko Olinpiar Jokoak

Udako Olinpiar Jokoak

Gaixotasun infekziosoak