Euskaraz sortzeko mementoa

Esaldi laburrekin osatutako ateraldicloseUstekabeko esaldi edo erantzuna, gehienetan bitxia edo barregarria.
ak, erreferente edo pertsonaia ezagunen irudiek lagunduta. Horixe dira memeak: Batman zaplazteko bat ematen ergatiboan hutsa egiten duenari; Mr. Bean esperoan, asper-asper eginda, puntualtasuna zer den ez dakien lagunaren zain... Memeak dira, baina ez memelokeriak; euskarazko edukiak sortzeko ariketa bat, irudimena lantzeko aitzakia bat, eta, bide batez, jendea aisialdian euskarara gerturatzeko amucloseNorbait erakartzeko erabiltzen den gauza.
bat.

Eta lehiaketa baterako aitzakia ere izan daitezke memeak: Memeka lehiaketa antolatu baitute Iametza komunikazioa eta teknologia uztartuz lan egiten duen enpresak eta Azkue fundazioak elkarlanean, 15 eta 18 urte bitarteko nerabeentzat. Martxoaren 20an ireki zuten parte hartzeko epea, eta apirilaren 21ean amaituko da. Bizkaiko gazteentzat dago pentsatua, Azkue fundazioaren eragin esparrua baliatzeko asmoz. Apirilaren 22tik maiatzaren 2ra zabalduko dute bozkatzeko epea, eta maiatzaren 3an iragarriko dituzte irabazleak. Berrehun eta 150 euroko sariak banatuko dituzte.

Dena den, ez da euskaraz antolatzen duten lehen meme lehiaketa. Iametzak 2022an eta iaz ere antolatu zituen antzerako txapelketak, publiko orokorrarentzat. Meme plataforma bat sortzea izan zen horretarako lehenengo urratsaclosePausua.
, eta hala egin zuen Iametzak 2021. urtean. Hutsune bat antzeman zuten, bertako kudeatzaile Eli Pomboren arabera: «Ikusi genuen ingelesez, adibidez, bazegoela memeak sortzeko plataforma bat, baina euskaraz, ez. Orduan sortu genuen Memeka plataforma. Lehiaketa aktibo ez dagoenean ere, edozeinentzat irekia dago; baldintza bakarra da euskarazko memeak izan behar dutela».

«Lehiaketa aktibo ez dagoenean ere, edozeinentzat irekia dago Memeka plataforma; baldintza bakarra da euskarazko memeak izan behar dutela».

Eli Pombo (Iametza)

Euskararekin jolasean

Baina zertarako memeak? Zertarako lehiaketa bat horien bueltan? Bada, gazteak euskararekin jolas egitera animatzea izan da xedeacloseHelburua.
, Azkue fundazioko zuzendari Iurdana Acasusoren hitzetan: «Askotan, gazteek ikastetxearen aterkipeancloseBabesean.
bakarrik dute euskararekiko lotura; zoritxarrez, gazte askorentzat euskara eskolako edo ikastetxeko hizkuntza da. Oraingoan, gonbidapena egin dugu aisialdian euskararekin jolasteko, euskara praktikatzeko eta euskaraz sortzeko».

«Gonbidapena egin dugu aisialdian euskararekin jolasteko, euskara praktikatzeko eta euskaraz sortzeko».

Iurdana Acasuso (Azkue fundazioa)

Memeak horretarako baliabide egokia direlakoan daude, eta amu bat izatea nahi dute, gazteak esfortzu handirik egin gabe euskarazko eduki digitalak sortzen has daitezen: «Oso elementu arina da memea, dibertigarria, umorez eta ironiaz betea, oso erraz zabaltzen dena sare sozialetan eta bat-bateko mezuen aplikazioetan», adierazi du Acasusok.

Izan ere, ikusi dute gazteak ingurune digitalean egon badaudela, baina askotan ez direla edukiak sortzera ausartzen; «atsegin dut» botoia sakatzen dute, iruzkincloseKomentario.
ak idazten dituzte euskarazko edukietan, baina ez dira sortzera animatzen. Horregatik jo dute memeetara: «Tiktoken bideo bat sortu baino, gazte bati errazagoa zaio meme bat sortzea; horretaz konturatu gara. Sortze horrek baldin badakar bere burua ikusgai jartzea edo bideo bat sortzea, nolabait zailagoa da», azaldu du Pombok. Hortaz, edukien kontsumitzaile soil izateari uztera eta sortzaile ere izatera animatu nahi dituzte.