BERRIAk adimen artifizialaren erabilera arautu du. Arduradunekin hala erabakitakoan baliatu ahalko da, baina betiere egunkariaren irizpideen eta kode deontologikoen barruan, eta ez du giza jarduna ordezkatuko. Estilo liburuan txertatu dute dekalogoa.

Ikusiker ikus-entzunezkoen behategiak unibertsitate ikasleen kontsumo joeren inguruko txosten batzuk argitaratu ditu. Datuek erakusten dute gazteek sarri erabiltzen dituztela Tiktok, Instagram, Youtube eta Spotify.

Musika mota zabala da jazza, bai estiloei dagokienez, bai iraupenari dagokionez: dantzalekuetatik eszenatokietara egin zuen jauzia, esaterako; askotarikoa da. Inprobisazioak daukan garrantzia nabarmendu dute hainbat adituk.

Ondare eta identitate digitala testamentuan jasotzeko aukera proposatzen dute adituek. Hildakoaren borondatea errespetatzeko eta senideei lanak errazteko balio du, besteak beste.

Hogei urte bete ditu Xabiroi komiki aldizkariak. Bide horretan, 76 zenbaki eta hemezortzi album eman ditu argitara orain arte. «Familia» sendo bat ere osatu du, komikigileak, komikizaleak eta bestelako kolaboratzaileak batuz.

Udan 120 urte beteko dira Estepan Urkiaga Lauaxeta jaio zenetik. Bizkaiko Foru Aldundiaren enkarguz, Jon Kortazarrek Lauaxeta. Ametsen egilea erakusketa ondu du, poetaren ibilbidea hark bilatutako idealen bitartez kontatzeko.

Euskal selekzioak lehen aldiz jokatu du Nazioarteko Esku Pilota Federazioak antolatutako txapelketa batean. Gernikan aritu da, eta ikusleek sekulako ongietorria egin diote, eta azpimarratu «aspaldiko ametsa egia bilakatu» dela. 

Guztira 299 pertsonari sexu erasoak egin izana aitortu du Joel Le Scouarnec zirujauak bere kontrako epaiketan; haietatik 209 adin txikikoak ziren. Anestesiaren eraginpean zeudenean bortxatzen zituen.