Krisialdi baten ondorioz aldi batez isilik geratu ostean, laugarren lan luzearekin itzuli da Ibil Bedi taldea. 'Beharbada' da haren izenburua, eta hamabi kantu biltzen ditu.

BERRIAk argitaratzen dituen edukien euskara zuzentasunaz arduratzen da euskara taldea. Zuzentzaileen Nazioarteko Egunaren harira, EIZIE Euskal Itzultzaile, Zuzentzaile eta Interpreteen Elkarteak bideo bat zabaldu ohi du urtero, eta aurten BERRIAko euskara taldeko kideak dira haren protagonistak. 

BERRIA Ikasgelaren 'Istorioen bila' unitate didaktikoa oinarri hartuta, erreportajegintza landu dute Zarauzko Oteitza Lizeoko batxilergoko lehen mailako ikasleek. Teoria jaso ostean, praktikara eraman dute ikasitakoa, eta 47 erreportaje idatzi dituzte, Zarauzko istorio ugari jasoz.

Ikasgelan ere hika aritzea. Gaur egun oso arraroa den hori posible izan daitekeela erakutsi nahi diete UEUk eta Zirhikak irakasleei. Horretarako ikastaro bat antolatu dute Eibarren, urriaren 17tik 24ra.

150 urte bete dira Hego Euskal Herrian foruak abolitu zituztenetik. Berez, 1876ko data hori historian iltzatuta geratu da, Arabak, Bizkaiak eta Gipuzkoak beren foruen erregimena galdu egin zutelako —Nafarroak 1841ean galdu zuen—. Egileek hor galdutakoen oinarrira jotzeko eskatu diete estatus berria negoziatzen ari direnei.

Elsa Oliarj-Inesek Txakun Txakür dokumental luzea estreinatu berri du. Zinemagileak Zuberoako ikastola bateko haurren jolas orduak filmatu ditu zortzi urtez, eta bazterketa kasu bat bistaratu du.

Euskal Herriko Bertsolari Txapelketa lau urtean behin egiten da, eta aurten tokatzen da. Hazparnen hasiko da txapelketa (Lapurdi), irailaren 19an, eta Iruñean izango da finala, abenduaren 20an.

'Bertsolaritzaren kontzeptualizazioa' da bost ataleko dokumentalaren lehen zatia. Hiru solaskide bildu dituzte atal horretan: Onintza Enbeita, Andoni Egaña eta Kepa Matxain. Bertsolaritzak iraganetik orainera egin duen bidea azaltzen saiatu dira bertan.

Hego Euskal Herriko ikasleen emaitza kaskarrez ohartarazi dute PISA txostenean. Mundu zabaleko datuekin osatzen den txosten horrek Hego Euskal Herriko ikasleen eboluzioa ere aztertzen du, eta agerian utzi du ikasleek behera egin dutela alor guztietan: zientzietan, matematikan eta irakurketan.