Joxe Migel Iztueta 'Lazkao Txiki' bertsolariaren jaiotzaren mendeurrena izango da irailaren 15ean. Haren kantaeraz eta jenialtasunaz aritu dira Joxerra Garzia eta Amaia Agirre.

Euskal Diasporaren Eguna da irailaren 8an. Euskal etxeek euskal kulturaz gozatzen jarraitzeko aukera ematen diete Euskal Herritik kanpo bizi diren euskaldun eta euskaltzaleei.

Zeramikazko ontzi batean topatu dute inskripzioa: «'abaŕ'» jartzen du, eta azterketa linguistikoa egin duten ikerlariek euskarazko 'hamar' zenbakiarekin lotu dute.

Selektibitatean euskara azterketak zuzentzen aritu den zuzentzaile batekin hitz egin du BERRIAk, eta kezkatuta mintzo da zenbait ikasleren euskara mailaz: «Argi dago sistemak nonbaiten huts egiten duela».

Toki Kultur Elkartea sortzea erabaki dute Donostiako guraso batzuek. Euskaraz pentsatu eta sortu dituzte mahai jokoak, aisialdia euskaldundu eta pantailak alde batera uzteko asmoz. 

Hainbat ikastetxetan landu dute BERRIA Ikasgelako 'Komunikazioaren erronkak XXI. mendean' programa didaktikoa, eta pozik daude emaitzarekin. Hurrengo ikasturterako aurtengoaren prezio erdian eskuratu ahal izango da programaren edukia, BERRIAren eta Jaurlaritzaren arteko akordioari esker.

Hainbat ikaslek iragarria zuen aurtengo Baxoko azterketan planto egin eta euskaraz erantzungo zituztela galderak. Orain, Hezkuntza Ministerioak Seaskari hitzeman dio azterketa horiek zuzenduko dituztela. 2028tik aitzina, gainera, azterketaren zati bat euskaraz egin ahal izanen da. Hori guztia dela eta, iragarritako mobilizazioak bertan behera utzi ditu Seaskak.

Azpeitiko Izarraizpe ikastola publikoko eta Urretxu-Zumarraga ikastolako ikasleek jaso dituzte sariak. La Basu abeslaria izan da ekitaldian, eta ikasleek elkarrizketa egin diote zuzenean.

Kezka batetik abiatutako gogoeta plazaratu du Ibai Zabala Gandarias egileak iritzi artikulu honetan: mutikoak eremu eta aisialdi kulturaletatik desagertzen ari direla. Horrek hizkuntzaren erabileran ere eragina daukalako susmoa du, eta proposamen zehatza egin du, 'Kultura-sorkuntza' izeneko ikasgaia erabiltzea LHtik batxilergora arte.