Adimen artifizialak kazetaritzan eta oro har informazioaren munduan ekar dezakeen egoera aztertu dute Bilbon mahai inguru batean, BERRIAk antolatuta. Dagoeneko desinformazio asko dagoen egoera bat areago nahas dezake adimen artifizialak. Haren arriskuez ez ezik, eman dakiokeen erabilera ere hartu dute aintzat.

Legeak egiten ari dira Internetek eta gailu elektronikoek gazteengan dituzten kalteak eta arriskuak mugatzeko. Adituen iritziz, ordea, legeek mugak izango dituzte, gazteek eurek eta euren familiek arduraz erabiltzeko konpromisoa hartu ezean.

800 megawatteko zentral hidroelektriko bat egin nahi du Accionak Nafarroan, Alaitz mendian. Otao herriko lurretan, bi urtegi eraikiko lituzkete, eta goikotik behekora 640 metroko jauzia egongo litzateke. Zentrala eraikiko balitz, Nafarroan kontsumitzen den argindarraren %43 sortuko luke azpiegiturak, ahalmen betean arituko balitz.

Gero eta indar handiagoa du eremu digitalak gizartean, eta emakumeen aurkako indarkeria ere sarritan gertatzen da esparru horretan. Biktimengan eragin nabarmena izan arren, politika publikorik ezak nabarmenago uzten du kaltea.

Topaketak egin berri ditu Altxa Burua mugimenduak. Eskaera bat baino gehiago dituzte, hala nola sakelako telefonoa erabiltzeko adina 16 urtera atzeratzea. Ikastetxeetan ere jarria dute arreta: eskola sakelakorik gabeko gunea izatea nahi dute. Mugimenduaren eledun Miren Ros mintzatu da BERRIArekin.

Hiru bakarrik daude munduan: AEBetan bat, Japonian bestea eta Donostian hirugarrena. Espektatiba ugari dakartzan ordenagailu kuantiko bat inauguratu dute Gipuzkoako hiriburuan, IBMren System Two. 

Lehen aldiz munduan, energia iturri berriztagarrietatik ikatzetik baino argindar sorkuntza handiagoa izan da aurten. Mugarri garrantzitsua da, baina ikatzaren erabilera oraindik ere oso handia da.

Nerabeen artean hedatzen ari den joera bat da ‘barebacking’-a. Garraio publikoan sakelakoari begiratu beharrean, leihotik paisaiari begiratzean datza. Joera bat da, eta, adituen hitzetan, oso osasungarria.

Harraskatik eta komun zulotik botatakoa garbitu egin behar da itsasoa ez kutsatzeko, eta horretaz arduratzen dira araztegietan. Prozesu konplexu baten bidez, ura arazten dute, baita lohia sortu ere.