Kaliforniako epaitegi batek erruduntzat jo ditu Meta eta Google, gazte bat sare sozialen mendeko bihurtu eta haren buru osasunari kalte egiteagatik. Nerabeak bere buruaz beste egin zuen, eta haren familiak jo zuen enpresa teknologiko erraldoien aurka. Epaileak arrazoia eman dio.

Emakumeak hedabideetan gutxiengoa direla ondorioztatu dute EHUko zenbait ikertzailek egindako azterketan. Euskal Herriko hedabideetan mundukoetan baino apur bat gehiago ageri dira andreak, baina parekidetasunetik urrun da egoera, edonola ere.

Urtzi Urkizu kazetariak streaming plataformen mundua aztertu eta saiakera liburu bat idatzi du: 'Streaming aroa'. Algoritmoez ere mintzatu da: «Netflixek asko daki guri buruz».

Komunikazioak izandako bilakaeraz eta komunikazio agentzien lan egiteko moduaz arituko dira Ta Puntuk antolatutako jardunaldi batean. Marka bat zabaltzeko komunikazio arrakastatsua lortzeko «kontakizun koherente bat» sortu behar dela azaldu du Odriozolak.

BERRIAko Mantangorri gehigarrian sare sozialen debekua landu dute aste honetan. Zortzi galderaren eta zortzi erantzunen bidez, informazio eta iritzi interesgarriak jaso dituzte.

Bragi Gudbransson Islandiako 'barnahus' edo haurren etxeetako arduraduna Save The Childrenekin eta Hego Euskal Herriko bi gobernuetako ordezkariekin batu da. Abusuak egin dizkieten umeei Islandian harrera egiteko moduak arreta piztu du Euskal Herrian, «aitzindaria» delakoan.

Euskal eduki sortzaileen lehenengo topaketa egin berri dute Donostian. Ane Urresti gaztearena izan da ekimena: «Une honetan 50 pertsona inguru gaude talde horretan».

Euskal Herri osoko adingabeei eragingo dien neurri baten berri eman dute oraintsu. Frantziako eta Espainiako gobernuek iragarri dute sare sozialak erabiltzea debekatuko dietela 15 eta 16 urtez azpiko gazteei. Maitane Ormazabal psikologoak gogoratu du sare sozialak «adikzioa» eragiteko diseinatuta daudela.