Konturatzerako gaua iristen zen, eguzkiak agur eta ilargiak kaixo esaten zueneko unea. Baina ilargia ez zen egunero ateratzen. Nora joan da ilargia? Ez da berriro itzuliko? Desagertu egin da? Betirako?

Jolas egiteko ordua da! Lagundu Hartzatxori, Sagutxori eta Krokodilotxori eguneroko jolasetan, eta ikusi zer izen duten haien jostailuek.

Elvak bere lehengusu Oldton lagundu beharko du tren intergalaktikoa hartzen. Horretarako, Retiro-n dagoen behatoki astronomikoan sartu beharko dute. Elvaren eta Oldtonen zereginak liburutegi zoragarrian zehar eramango ditu...

Aireratu gaitezen gure planetatik kanpora, eta ezagutu ditzagun Eguzkia eta haren inguruan dabiltzan planetak, ilargiak eta asteroideak.

Nondik datoz gosaritan jaten ditugun zerealak? Ba al zenekien zure zapaten zolako goma zuhaitz batetik ateratzen dela? Naturako gertaeren bilduma honetan, gure bizitzan nonahi presente dauden landareak goretsi nahi dira.

Ilargiari begira jarri nahi ditugu irakurle gazteak, baita Ilargiaren alde ezkutuari begira ere, Lurretik ikusten ez den horri. Itsaso izan gabe itsaso izena duten zulo itxurakoei buruz idatzi dute 29 poetak, nork bere erara, Mare, ilargiari poemak liburuan.

Aita untxiak istorioak kontatzen dizkio Xaturri. Batzuk asmatuak dira, baina benetakoak dirudite, eta beste batzuk benetakoak dira, baina asmatuak direla esango litzateke.

Berritsusauroak ibilaldi bat egingo du basoan, eta hamaika gauza ditu esateko txangoari buruz. Baina beti hizketan aritzeak eta inoiz ez entzuteak arazoak ekar ditzake… Utziko al dio Berritsuk berriketan aritzeari tartetxo batez, lagunak zer esan behar dion entzuteko?

Gose, oso gose da Amona Tomaxa. Sagarra du amets. Pausoa ote trakets?

Haurra, kanta ezazu
goizetik gauera,
eta biziko zara
txorien antzera.
Lai, lai, lai
txorien antzera.