Azeria, sagua, mapatxea eta hontza kanpoan jolasten ari dira. Udazkeneko egun ederra da, lurzorua orbelez estalita dago, eta sagarrondoak sagarrez beteta. Lagunek sagar batzuk hartu nahi dituzte, baina sagarrak goregi daude. Lagunduko al diezu? Irudiz betetako liburu interaktibo bat da, udazkena gogoko duten haurrentzat.

Azerikume txikiak abentura pila bat biziko du basoan. Lo egiteko leku bat bilatuko du. Untxiari lagunduko dio basurdekume txikiarentzako urtebetetze opari bat aurkitzen. Eta nola lagunduko dio katagorriari putzu sakon baten erdian dagoen enborretik ateratzen?

Rotia oso lagun berezia duen neskato bat da: Rensu izeneko herensuge bat da, eta haren gainean mundu berriak ezagutuko ditu. Liburu honetan ikasiko du normala dela maitatzen den jendearekin borrokatzea, eta okerrena bakeak garaiz egiten ez jakitea dela.

Aititak etxeko beira-arasan daukan bilduman, tamaina eta kolore guztietako maskorrez gain, marrazo-hortzak, itsas zaldiak eta itsas izarrak daude, baita itsas barraskilo handi eta txiki batzuk ere. Nurrek begiz jota dauka horietako bat: shunti bat omen da, Chiapasko (Mexiko) ibaietako barraskilo bat, amamak esan dionez. Nurrek ez daki ezer toki horretaz, baina berehala hasi da ikertzen, Aroa, Ane eta Adur lagunekin batera. Eta ez bat eta ez bi, elkarrekin abentura bat –beste bat!– hastea erabaki dute.

Zergatik flotatzen dute astronautek espazioan? Zerez eginak daude Saturnoko eraztunak? Altxatu liburuan aurkituko dituzun hegalak eta ezagutu espazioari buruzko datu liluragarrienak.

Sidek bere bizitza aldatuko duen aurkikuntza bat egingo du. Espazioan barrena bidaiatuko du espaziontzi batean, gizadiarentzat bizileku berri bat aurkitzeko asmoz. Lortuko al du misio zail hori betetzea?

Itsasoko zereginak ondo bereizita egon dira: gizonezkoak joan izan dira arrantzan, eta andrazkoek lehorrean egin izan dute lan. Emakumezkoen egitekoak ez dira hain ikusgarriak izan, eta bigarren mailakotzat jo diren horiek azalduko dira liburu honetan, aitortza egiteko.

1870eko negua. Aitak bapore batean utzi du Elora Duval, Ubarroien Uhartera bidean. 13 urteko neskatxari ama hil zaio, eta bizimodu berri bati ekin beharko dio Brigita amonaren basetxean. Lanean hasiko da, umezain, eta laster estutuko du harremana bertako Ariane txikiarekin. Baina ez Elora, ez Ariane, ez dira neska arruntak: mezuak edota gertaerak hautemateko dohaina izanik, bion artean askatuko dute aspaldiko kondaira tragiko baten korapiloa.

Zergatik ateratzen gara kalera Martxoaren 8an? Zer gertatu zen egun hori hautatzeko? Clararen istorioaren bitartez, ipuin ilustratu honek Emakumeen Nazioarteko Egunaren abiaburura eramango gaitu, aurreko belaunaldien lorpenak ezagutu eta haien borrokei segida emateko.

Igo itsasontzira eta etorri gurekin itsaso zabalera, ea zer aurkitzen dugun oraingoan! Istorioa bizitzeak aukera emanen dio haurrari bere gorputza entzuteko, konfiantza indartzeko, lasaitzeko...