Hona hemen hotsen liburua, ia hots guztiena. Ongi gogoratzeko danborrak tarra patatan egiten duela, ahuntzak mee, turutak tu-ruuu, mamuak uuuu, ateak kax-kax eta beleek karra-karra.

Lehen eskola eguna da, eta Brunak lagun berri asko egin ditu. Guztien izenak gogoratu nahi ditu, gero aitonari banan-banan aipatzeko. Eta horretarako, zer hobe abesti bat baino? Brunaren abestia ipuinaren bidez, egileak alzheimerra zer den eta zer ondorio dituen azaldu nahi die haurrei, era samur eta onirikoan.

Hona hemen Pintto gure lagun musikazalearen oroitzapenen albuma. Irakurri bere koadernoa. Pinttok bere bidaien, lagunen eta abentura musikalen argazkiak itsatsi ditu bertan.

Erromeria da Urkiolan. Primi Erostarbe abiatu da astoz. Erromerian panderoa jotzeko irrikaz dago. Bidean, adiskide on bat egin du: Maurizia Aldeiturriaga. Hura ere pandero jolea da.

Azeria, sagua, mapatxea eta hontza elurretan jolasean ari dira. Elur panpina bat egin nahi dute mendi baten gainean. Baina… elur bola oso astuna da. Lagunduko al diezu elur bola mendi gainera eramaten?

Negu oso hotz batean, elur panpinak sortu dira mendi gailurrean. Hasieran hiru bola dira, baina laster beren begiak, ahoak eta besoak egin dituzte harri eta adarrekin. Sudurra egitea baino ez zaienean geratzen, ordea, neba-arrebak banatzea eta elkarren aurka jokatzea eragingo duen lehia piztu da.…

Lagun taldea berriz elkartzeko irrikaz dago, baina Basakabi eta uda urrun geratzen dira oraindik. Horregatik, asteburu bat eskiatzen pasatzea erabaki dute. Batzuek primeran eskiatzen dute; beste batzuek, berriz, ideiarik ez. Hala ere, nor bere erara ongi pasatzen saiatuko da. Azkenik, ustekabe batek harrapatuko ditu den-denak.

Suitza, 1976. Izua haranean! Elurretako munstro madarikatua Appenzell herri txikiaren inguruan dabil. Xeherlock, Magali sagutxo lagunarekin batera, izaki misteriotsuaren bila abiatu da…

Babarrek eta Celestek hiri berria eraiki dute beste elefanteekin batera: Urdineta! Bizi ezazu, berriro, etxeko txikiekin batera, marrazki ederrez lagunduriko istorio klasiko hauen magia.

Hiritarrek arazo larri bat dute, eta horregatik jo dute Alkatearengana; jakintsua izateaz gain, beti baitago hiriaren alde. Baina arazoaren konponbideak beste arazo bat sortuko du, eta konponbide batetik bestera arazoak ugaritu egingo dira hirian. Halako batean, alkatea bera arazo bihurtzen den arte.