Lagun taldea berriz elkartzeko irrikitan dago, baina Basakabi eta uda urrun geratzen dira oraindik. Horregatik, asteburu bat eskiatzen pasatzea erabaki dute. Zuri eta Maddi New Jerseyn badaude ere, beste guztiek lo zakuak prestatu dituzte eta aterpetxe batean hartu dute ostatu. Batzuek primeran eskiatzen dute; beste batzuek, berriz, ideiarik ez. Hala ere, nor bere erara ongi pasatzen saiatuko da. Azkenik, ustekabe batek harrapatuko ditu den-denak, eta, eskiaz gain, bestelako abenturak biziko dituzte.

Elmer elefante koloretsu eta arrakastatsua da. Oraingoan, Elmerrek hotzaz kexu entzun dituelarik elefanteak, horra non gonbidatu dituen osteratxo bat egitera, are hotz handiagoa egiten duen toki batera, negua zeinen dibertigarria izan daitekeen ikustera!

Txilinbuelta bildumako ipuinetan, pertsonaia eta kontakizun klasikoak aurkitu daitezke, baina buelta bat emanda. Argumentuak ezustez eta umorez beteta daude, eta lehen irakurleen irudimena hegan jarri eta garatuko dute.

Ipuin laburrak eta biziak biltzen ditu liburu honek, ipuin irudimentsu eta iradokitzaileak; denak ala denak ere, esna irauteko ipuinak dira. Tradizioa eta humorearen eskutik askotariko eszenatokietan murgiltzeko aukera izango du irakurleak.

Mattinek indar handia nabaritu du bere baitan, eta ieup!, gogo biziz jaiki da! Montessori metodoan oinarrituta. 0-3 urte bitarteko haurrak autonomiarantz gidatzeko eta beren buruengan konfiantza garatzen laguntzeko istorioak.

Primadera heldu da. Negu guzian lo egin ondoan, iratzartzen da Hartza. Oihanean dabilela, zenbait animaliarekin topo egiten du. Denak ihauterietara joaten dira; zergatik berak ere ez luke bestan parte hartuko?

Bere urtebetetze egunean, Martxelok Tristan gonbidatu zuen etxera meriendatzera. «Zorionak!», esan zion Tristanek, eta oparitxo bat eman zion. Tristanek gortinetatik sobran zuen oihal zati bat oparitu zion Martxelo lagunari.

Mikelek ardiak kontatzen ditu lokartzeko. Bat, Bi, Hiru... Baina eta Lau ardiak ez badu jauzi egin nahi?

Arratsaldero, meriendatu aurretik, saguak badoaz etxeko leihotik. Leihotik irtenda, badoaz airean, kaskoak buruan patinete gainean…

Katta urtxintxa eskolara doa gaur. Lagunekin elkartuko da bertan. Andereñoak margoak atera ditu. Baina adi! Margoak bereziak dira eta...