Hondamendiak dena hankaz gora jarriko du: etxerik gabe geldituko dira, baina, gainera, bizimodua erabat aldatuko die. Sagueta andreak aurkituko du konponbidea. Bizimodu aspergarria zuten, baina, orain, hainbat abentura bizi izango dituzte, eta baita familian rol berriak jokatu ere.

Kattak bainu demasa hartu du itsaspean. Onik itzuliko ote da olagarro, sirena, pirata eta marmoken artetik? Sare dauka alboan, eta eskerrak!

Ama bidaian doa. Maletan sartu ditu bere galtzerdiak, bere liburuak, bai eta bere soineko marraduna ere. Ezin gaitu berarekin eraman. Aita eta biok etxean geratuko gara...

Mitologia lehiaketa bat irabazi ondoren, bi familia euskaldunek Euskal Herrian zehar txango bat egiteko aukera lortu dute. Bidaian, zazpi lurraldeak bisitatzeko eta euskal izaki mitologikoak eta haien istorioak ezagutzeko parada izango dute. Leireren oporrak benetan miresgarriak izango dira!

Maitek askotan pentsatzen du bere familia ez dela normala, etxean ez baitituzte, antza, gauza normalak egiten. Oporretan, esaterako, Berlingo urdinera igo, eta karabana zahar bati tiraka herri galdu bateko kanpin batera joatea besterik ez zaie bururatu gurasoei. Hori gutxi balitz bezala, aita eta ama txakurra eta katua bezala hasi dira iritsi orduko. Banatzekotan daude. Maite halabeharrez dago gogotxartuta. Ustekabean, ordea, lagunak egingo ditu, eta bere egoera ez zaio horren aldrebesa irudituko.

Amalurra akitua da, eta pausatu nahi luke, baina, haurrak inguruan izanki, ez zaio aise izanen...

Liburu honetako animaliak beren ibilgailuetan joan-etorrian dabiltza klaxona jo eta jo! Bizikletaren txirrina, trenaren txilibitua, aspaldiko klaxon baten hotsa, suhiltzaileen kamioiaren turuta...

Batzuentzat dibertigarria da Emili; besteentzat, gafea. Nahiz eta beldurrak airean ibili zenbaitetan, gehie­netan barrez leher­tzen amaitzen dute haren lagunek. Emili dibertigarria ala gafea den jakiteko, haren desabenturak irakur­tzea onena.

Gau batean, ekaitza kanpoan, hautsi egin da Lolaren bizikleta. Baina Lola iaioa eta irudimen handikoa da, eta egun gutxiren buruan konpondu du bizikleta. Ez zaio txirrina baino falta. Itsasoko uraren azpian, bizikletak txirrina jo du, Lolari deika. Biek batera, amarekin mintzatzeko modua aurkitu dute: ez dute osaba itzultzerik nahi.

Hirira joango dira, eta han, bertakoen laguntzaz, aurre egingo diete kaleetan barrena behar bezala moldatzeko zailtasunei, eta, bitartean, ikasiko dute zer diren oinezko bat, espaloi bat, zebra bide bat edota semaforo bat. Beraz, trafikoan segurtasunez mugitzen ikasiko dute. Adiskidetasun eta laguntasun istorio dibertigarri bat, bide hezkuntzaren oinarrizko kontzeptuak irakasten dituena.