BAT taldeko kideek deskubrituko dute haien eskola ez dutela ikasturte berrirako irekiko. Eskola ezberdinetara joango dira handik aurrera. Hasieran, telefonoei esker eutsiko diote elkarren arteko harremanari. Gero, mezu beldurgarriak iritsiko dira.

Liburu honetako protagonista bere kasa eta bere gogoari eta senari jarraika joango da harkaitz puntaraino, baina, egoerak behartu egingo du handik jaitsi behar izatera, eta gainontzekoen laguntza onartu beharko du horretarako. 

Jolasten hasi orduko lehian hasten dira Ali eta Eli untxiak. Beti. Oraingoan, bizilagun ahateekin. Lur gainean untxiak dira nagusi, baina zer gertatuko da urmaelean? Ikasiko ote dute lehiak utzi eta elkarrekin jolastuz ongi pasatzen? Elkarrekin jolastu ongi pasatzeko!

Erne belarriak! Entzun zertan ari diren parkean bizi diren animaliak. Hor kanpoan, mundu oso bat duzu esploratzeko! Animatzen zara? Liburu honen bidez, inguruan ditugun soinuei erreparatuko diete haurrek.

«Pentsatu al duzu inoiz maskota bat hartzea?»: galdera xume batetik abiatuta, testuak eta irudiek zentzu bikoitzeko jolasa proposatzen diote irakurleari,  zaintzaz eta elkarbizitzaz mintzo den proposamen iradokitzaile batean. 

Jolas liburua. Paula eta Paulo uharte misteriotsu baterantz abiatzen dira. Arretaz begiratu, agertoki bakoitza bi aldiz agertzen baita, baina orri batetik bestera desberdintasun txiki batzuk daude.

Lau kontakizun laburrek osatzen dute ipuin liburua. Maitasuna, maitasunik ezaren beldurra, baztertua sentitzea, autoestimua eta jeloskor sentitzea dira gairik nagusienak. Orokorrean, nahiko tonu ezkorra dute ipuinek.

Igeltxo guztiak igeriketa eskolara joatea nahi du amak. Gauza asko ikasiko dituzte: bizkar gainean flotatzen, bizkarrez igeri egiten, hankei eraginez uretan tente mantentzen... Txalburuk ahalak eta leherrak egin ditu, baina ez da ondo moldatzen...

Peiok biziki egun txarra iragana du. Ez da umore onean, eta gainera, aitak erasiatu du. Orduan Peiok bere baitan sentitu du gauza ikaragarria igaten. Gauza horrek makur handiak egin ditzake... aski goiz ez baldin bada geldiarazten.

Leoren lorategia eder-ederra dago, baina Hiporenak txukundu beharra du. Badaki nola egin: lehenik, etxolako tresnak hartu ditu, gero, soropila moztu eta adaxka batzuk inausi ditu, landareak ureztatu eta, azkenik, zuhaitzetatik fruta bildu du...