Anttonek munduko txakurrik onena izan nahi du. Oso ondo portatuko da. Bere jabea, Haritz, enkargu bat egitera irteten denean, Anttonek sukaldeko mahaian tarta gozo bat ikusten du, eta zera... Ezin dio gogoari eutsi!

Lotara joateko garaia da… Hasiko al gara banan-banan gorputz-ataltxoei gabon esaten?

Sagutxo jator baten paseoa aitzakiatzat hartuta, errealitate zoro bat aurkezten zaigu, ezagutzen dugunaren alderantzizkoa. Gure mundu honetan normaltzat jotzen ditugun egoerak eta eginmoldeak zalantzan jartzen ditu, horiei buruzko gogoeta sustatzearekin bat.

Haurrek barre asko egiten dute, eta soinu batzuekin askoz gehiago. Sakatu botoiak eta erreproduzitu barregura gehien ematen dizkietenak!

Soroan lanean ari dela, Traktoretxok nekatuta dagoela nabaritu du. Kea dario kapotaren azpitik. Lagunek azkar-azkar eraman dute baserrira. Traktoretxo gaixo dago, eta egun batzuk eman beharko ditu estalpean. Baina hark nahiago du lagunekin egon.

Musuak opari! Denentzako modukoak daude: txikitxoak eta erraldoiak, sudurrean eta oinetan emanak, azkura egiten dutenak edo kili-kili egiten dutenak... Zein da zure gustukoena?

Umeak eskolara joaten dira, eta egunero izaten dute istripu txikiren bat. Olagarroak hanka bat harrapatu du, trikuak gelakide bat zulatu du, krokodiloa gose da, eta kosk egin du… Baina ezer ez da larria, Kanguru andereñoa adi egoten baita ikasle guztiak zaindu, sendatu eta goxatzeko.

Jope... xomorro bat titian... puf! Zortzi begi, hamar hanka... eta besorik? Lapurra gainera! Lapurra? Xomorro lapurra bularreko minbiziari buruz hitz egiten duen ipuina da. Familientzat lagungarria izango den baliabide baten modura sortu da.

Martin Martinak eta lagunek laminen orraziaren lapurreta ikertzen jarraitzen dute. Eta iritsi dira abenturaren zatirik ilunenera; sorginak, mamuak eta aztikeria dira istorio honetan nagusi.

Sorginen tarotak behinolako emakume ahaldunen ahotsa dakarkigu. Garai eta leku oroz gaindiko karta sorta honen bidez, laguntzera datozkigu. Ondoan izango ditugu beti, eta bidea erakutsiko digute, jakin dezagun zein diren gure indarguneak eta zein gure alde ilun eta ezkutukoenak.