Eusko Jaurlaritzak ez ditu debekatuko sakelakoak ikastetxeetan

Arabako, Gipuzkoako eta Bizkaiko ikastetxe bakoitzak neurri pedagogikoak hartu beharko ditu sakelako telefonoen eta erloju adimendunen erabilera erregulatzeko. Urtea amaitzerako, ikastetxe bakoitzak sakelakoaren erabilera erregulatzeko barne araudia sortu beharko du; erregulaziocloseArauketa.
horrek zuzenean eragingo die ikastetxe publikoei eta itunpekoei. Haur Hezkuntzako, Lehen Hezkuntzako, DBHko, Batxilergoko eta Lanbide Heziketako ikastetxeei eragingo die.

Ikastetxe bakoitzak, sakelakoen erabilera erregulatze aldera, kontuan hartu beharko du eskola jardunean sartzen den eskola ordutegi guztia: jolas ordua, jantokia, ikastetxeko garraioa eta jarduera osagarriak.

Ikasleek sakelakoa eta erloju adimenduna noiz erabili, zer ordutan erabili, zer adinetatik aurrera... hori guztia ikastetxe bakoitzaren erabakia izango da. Hezkuntza Sailak ez ditu sakelakoak debekatuko. «Guk eskainitako erregulazio ereduetan ez dugu debeku hitza erabili». Begoña Pedrosa Hezkuntza sailburuordeak jakinarazi du ikastetxeei «laguntza emango diela» gailuen erabilera arautzearen inguruan: «Eskola eremuan sakelakoa erabiltzeko arauak ezartzea ikastetxearen autonomiacloseNorbaitek bere kabuz aritzeko duen askatasuna.
ren barruan kokatu nahi dugu, zentro bakoitzaren berezitasunak kontuan hartuta». Ikastetxe bakoitzak araudia zehaztean, adostutakoa hezkuntza komunitateari helarazi beharko zaio.

«Eskola eremuan sakelakoa erabiltzeko arauak ezartzea ikastetxearen autonomiaren barruan kokatu nahi dugu, zentro bakoitzaren berezitasunak kontuan hartuta».

Begoña Pedrosa (Eusko Jaurlaritzako Hezkuntza sailburuordea)

Teknologia digitalaren «baliabide positiboak»

Teknologiak «ikaskuntza praktikak hobetzeko eta dibertsifikatzekocloseAskotariko bihurtzeko.
» aukera ematen duela iritzita, Hezkuntza Sailak martxan jarri nahi ditu teknologia digitalek eskaintzen dituzten «baliabide positiboak». Hala, prestakuntzetan teknologiaren eta sakelakoaren erabilerari heldu nahi diote «hainbat esparru eta ikuspegitatik». Hori kontuan hartuta, pornografiaren inguruko «monografikoa» hasiko dira lantzen, besteak beste. Gazteen artean pornografiak zer garrantzia duen ohartarazteaz gain, gaiak sortu ditzakeen arazoen berri eman nahi dute.

Hezkuntza sailburuordeak berretsi du debekatu egin daitekeela eduki jakin batzuen erabilera edo sarbidea —pornografia aipatu du adibide gisa—, baina, haren hitzetan, «gazteek beti bilatuko dute bide bat» hori saihesteko. «Herritar arduratsuak nahi baditugu, haiek prestatu eta kontzientziatu besterik ezin dugu egin».

«Herritar arduratsuak nahi baditugu, haiek prestatu eta kontzientziatu besterik ezin dugu egin».

Begoña Pedrosa (Eusko Jaurlaritzako Hezkuntza sailburuordea)