Mateo Zikuta rap kantaria da. 'Mur mur' podcastean elkarrizketatu dute, bere estreinako diskoaren harira. Egungo gizartearen kritika zorrotza egiten du, errima biziekin.

Emakumeak hedabideetan gutxiengoa direla ondorioztatu dute EHUko zenbait ikertzailek egindako azterketan. Euskal Herriko hedabideetan mundukoetan baino apur bat gehiago ageri dira andreak, baina parekidetasunetik urrun da egoera, edonola ere.

Maika Etxekopar antzerkilaria da. Beste hiru kiderekin batera antzoki eta kulturgune bat sortu du Maulen: Günea. Zuberoan antzerkian profesionalizatu nahian dabiltza.

Demokraziaren gaineko iritzi sozialak aztertu dituzte Leyre Arrietak eta Naiara Goiak, eta ondorioak liburu batean bildu. Aitortu dute ez direla garairik gozoenak demokraziaren sistemarentzat. 

Urtzi Urkizu kazetariak streaming plataformen mundua aztertu eta saiakera liburu bat idatzi du: 'Streaming aroa'. Algoritmoez ere mintzatu da: «Netflixek asko daki guri buruz».

Eugenia Marin EHUko Psikologia graduko irakasle eta doktoreak egindako ikerketa batek agerian utzi du hutsak egiteak balioa duela; hutsei esker ere ikasi egiten dela, alegia.

Komunikazioak izandako bilakaeraz eta komunikazio agentzien lan egiteko moduaz arituko dira Ta Puntuk antolatutako jardunaldi batean. Marka bat zabaltzeko komunikazio arrakastatsua lortzeko «kontakizun koherente bat» sortu behar dela azaldu du Odriozolak.

Izar De la Hozek baxurako patroi izan nahi du. Orain hiru urte atera zuen horretarako baimena, baina oraindik ez du lanik topatu. Arrantza «gizonen mundua» dela dio.

Mota askotako txapelak saltzen ditu Margot Montanok Baionako bere dendan. Europako ekoizle batzuekin lanean ari da, kalitate handiko produktuak eskaintzeko. Eguzkiaz babestekoak ere badituzte, besteak beste osasun arazo iturri izan baitaiteke eguzki gehiegi hartzea.