Nafarroako Gobernuak eskola publikoei eutsiko die, baina itunpekoak gutxituko ditu. Gimeno kontseilariak esan du demografiaren beheranzkoa dela-eta hartu duela erabakia, baina ikastolek arbitrariotasunez jokatzea leporatu diote.

Hezkuntzak modu berriak bilatu behar ditu gauzak egiteko, gizartearen errealitatea aldatzen ari delako. Hori uste du Begoña Pedrosa Jaurlaritzako Hezkuntza sailburuak. 2-3 urtekoen geletan matrikulatu diren atzerriko jatorriko ikasleen portzentajea ia %25era iritsi dela gogoratu du baieztapen hori egiteko.

Institutuetako egunerokoa eta astronomia uztartuz, metafora kutsuko iritzi artikulu hau idatzi du Oihane Zuberoa Garmendiak. Ziur ikasle eta irakasle asko identifikatuta sentituko direla harekin.

Eugenia Marin EHUko Psikologia graduko irakasle eta doktoreak egindako ikerketa batek agerian utzi du hutsak egiteak balioa duela; hutsei esker ere ikasi egiten dela, alegia.

Haurrek txikitan barneratzen dituzte nesken eta mutilen arteko desberdintasunak. Adituek diote sexismoa eta genero rolak «inkontzienteki» transmititzen direla.

Bizkaiko hamabi ikastetxeren bat egitea iragarri du Eusko Jaurlaritzak. Jaiotzen beherakadari eta segregazioari aurre egiteko neurri gisa azaldu badu ere, zalantzak eta galderak ez dira falta sindikatuen eta hezkuntza eragileen artean. Gaiaren nondik norakoak aletu dituzte Iker Tubiak eta Irati Urdalletak podcast honetan.

Bullying kasu baten harira, hausnarketa interesgarria egin du iritzi artikulu honetan Onintza Enbeitak. Berben poza atalean, biktimak dauden lekuan biktimarioak ere badaudela dio.

Hogei urte bete berri dira Lurdes Iriondo kantaria eta Ez Dok Amairu mugimenduko kidea hil zela. Gipuzkoako Urrezko Domina eman zioten, euskarari eta euskal kulturari egindako ekarpenarengatik. Ekitaldian Mariasun Landak goraipamenezko testu bat irakurri zuen, hemen argitaratutako hauxe, hain zuzen ere.