Hondamendi bat gertatuz gero 72 orduz bizirauteko oinarrizko gauzen zerrenda zein den zabaldu du Europako Batasunak, eta horiek etxean edukitzeko deia egin die herritarrei. Maialen Akizu bertsolari eta idazleak uste du dei hori beldurra zabaltzeko eta berrarmatzea justifikatzeko dela.

Erakunde publiko batean betetzen zuen lanpostuari zegokion euskara maila ez edukitzeagatik lan hori gabe gelditu den langile baten auziaren harira idatzi du zutabea Jose Mari Pastor irakasleak.

Ceutatik Euskal Herrira etorri eta berehala, euskara ikasten hasi zen Rafa Furnier. BERRIAra bidalitako gutun honetan, salatu du curriculumean euskararen B2 maila baduela zehaztu zuela, baina hala ere gaztelaniaz egin ziotela lan elkarrizketa batean.

Jone Bastida kazetariak txalotu egiten du epaileak eman duen ebazpena Luis Rubiales Espainiako Futbol Federazioko presidente ohiaren aurka. Izan ere, Jennifer Hermoso futbolariari sexu erasoa egiteagatik errudun jo du Rubiales. Hala ere, atzerapausoa iruditzen zaio jokalariak jasan zuen jazarpena zigortu ez izana.

Nafarroako PAI programako D ereduko ikastetxeek ordubete gehiago eman beharko dute ingelesez. Ezarri berri duten neurri hori kritikatu du Ion Orzaiz kazetariak bere analisian. Uste du erabaki horrek asko trabatuko duela euskarazko murgiltzea.

Heziketa digitalean aditu Julen Linazasorok ikastetxe off baten aldeko ekinaldiaz idatzi du iritzi artikulu honetan. Mugimendu horren helburua da irakaskuntzan gailu digitalen erabilera mugatzea eta atzeratzea.

Jarrera eta indarkeria matxistei buruz prentsan argitaratu zen guraso baten gutunaren harira idatzi du bere iritzi zutabea Jose Mari Pastor kazetari eta irakasleak. Erasoak sahiesteko emakume gazteei ematen zaizkien «erruaren itzala darien aholkuak» bainoago, erantzukizuna gizonezkoena dela gogorarazteko gomendioak hobesten dituzte biek ala biek.

Urtea aldatu arren hainbat errealitatek bere horretan edo okerrago jarraitzen dutela dio bere iritzi zutabean Maider Galardi kazetari eta ikerlariak. Hala ere, urte berriekin batera proiektu berriak ere sortu ohi direla esan du, nork bere buruari ezartzen dizkion presio berriekin batera.

«Maite-gorrotoaren gainetik», euskarak bizitzeko balio duelako mezua ikasleei nola helarazi. Horixe du hizpide Lizar Begoña idazle eta irakasleak. Kalean euskararen presentzia oso eskasa delarik, oso zaila iruditzen zaio ikasgelatan euskararen inguruko interesa piztea. Uste du enpatiaz egin behar dela, eta bazterreko izatearen errealitatea aintzat hartuta.