Toki askotan daude energia komunitateak, baina sarri askotan, proiektuak aurrera eramateko garaian, baliabide eskasak dituzte. Horri aurre egiteko osatu dute Ehnergia komunitateen sarea, Udalbiltzaren bultzadaz.

800 megawatteko zentral hidroelektriko bat egin nahi du Accionak Nafarroan, Alaitz mendian. Otao herriko lurretan, bi urtegi eraikiko lituzkete, eta goikotik behekora 640 metroko jauzia egongo litzateke. Zentrala eraikiko balitz, Nafarroan kontsumitzen den argindarraren %43 sortuko luke azpiegiturak, ahalmen betean arituko balitz.