Euskara ikasgaian, inguruko gai tradizionalei buruzko dibulgazio artikuluak egin dituzte Lizarrako ikastolako DBH 1. mailako ikasleek.

Erreportaje hau egin duen ikasleak bere familiako kide bat eta Abartzuzako beste herritar bat elkarrizketatu zituen, biak artzaintzan arituak.

Jasangarritasunaren alde, 2030erako Agenda proiektuan ari dira lanean Ordiziako Jakintza ikastolan. Besteak beste, 0 Zabor proiektua, Jan Makina eta Energiaren Astea ekinaldiak ipini dituzte martxan.

Urumea ibaiaren egoera aztertu dute Hernaniko Aratz ikastolako ikasleek, hainbat parametro fisiko-kimikotan arreta jarriz. Halaber, ibaiak eta ibaiko urak egunerokoan duten eraginaren inguruan jardun dute.

Zornotzako Andramari ikastolako ikasleek erreportajeak idatzi dituzte hainbat gairi buruz. Mitologiari buruzkoa da hau, euskal mitologiari buruzkoa zehazki. Egileak hainbat galdera egiten ditu bere lanean; besteak beste, mitologiaren gaur egungo garrantziaz.

Colossal Biosciences enpresako ikertzaileek egun bizirik dagoen otso grisaren enbrioietan hamalau gene txertatu dituzte, eta desagertutako Canis dirus otso erraldoiaren ezaugarri fisikoak dituzten hiru otsokume lortu.

Munduko eskualde glaziar guztien izotz masa apaldu egin zen 2023an. Glaziarrena ez ezik, munduko elur eta permafrostDenbora luzean izozturik egon den lurzorua. bolumena ere txikitzen ari da.

Hain zuzen, glaziarren galera izan du hizpide klima eta natura krisiari buruzko Kinka saioak. Ibai Rico EHUko glaziologo eta geografoak azaldu ditu fenomenoaren gako eta inpaktu nagusiak [7. minututik aurrera].

Otsailean otsoa bideo batean agertu zen Larhun aldean, eta martxoaren 4an, Bardozen, ardi bat otso batek hil zuela baieztatu zuten. Laborari sindikatuentzat, otsoa eta hazkuntza ez dira bateragarriak Ipar Euskal Herrian, eta neurriak hartu behar direla diote.

Klima krisiak itsas mailaren igoera azkartu du, eta Ozeano Pazifikoko uharte txikiak arriskuan jarri ditu. Bi segundoan behin klima hondamendiek lekualdaketa bat eragiten dute. Tuvalu da arrisku gehien duten irletako bat, eta gaur egun, mareak gora egiten duenean, herrialdearen %40 ur azpian gelditzen da.

Zaldibarko hondamendia izan zenetik bost urtera, hura kudeatzen zuen Verter Recycling enpresak ez du ezer ere ordaindu zabortegiko lanengatik; Eusko Jaurlaritzak aurreratu du zabortegia zigilatzeko eta egonkortzeko lanetarako dirua. Ingurumen delituekin lotutako auzia instrukzioanEpaiketa egin ahal izateko behar diren elementuak biltzeko prozesua. dago oraindik ere, eta adituen txostenak biltzen ari dira.