Bertsolariek ere parte hartu zuten BERRIAren 5. urteurreneko jaian. Oihane Perea kantuan, eta Aitor Mendiluze, Amets Arzallus, Xabier Silveira atzean. Argazkian ageri ez den arren, Xabi Payak ere parte hartu zuen.

Anari kantuan BERRIAren 5. urteurrena ospatzeko Donostiako Kursaalean egin zen jaialdian.

Zutabegintzari buruzko elkarrizketa antzestu zuten Maddalen Lujanbio bertsolariak eta Harkaitz Cano idazleak. BERRIAko 'Jira eta bira' ataleko zutabegileak izanak dira biak.

Kirmen Uribe idazle eta BERRIAko zutabegileak testu bat irakurriz egin zuen bere ekarpena. Besteak beste, 'Egunkaria'-ren itxiera izan zuen gogoan.

BERRIAren irakurleek goraino bete zute Kursaala, eta pozik parte hartu zuten Kike Amonarrizek eta Ilaski Serranok proposatutako lehiaketan.

'Egunkaria'ko auzipetuak oholtzara igo ziren une batean, 'Egunkaria libre!' aldarrikatzeko. Ekitaldiko unerik hunkigarreina izan zen. Jendeak zutik jarrita eta txaloka hartu zituen bizpahiru minutuz.

Logela Multimediako dantzariek josi zituzten ikuskizunaren zati batetik besterako tarteak.

Joxean Lizarribar BERRIA argitaratzen duen EKT Euskarazko Komunikazio Taldeko presidenteak eta Martxelo Otamendi BERRIAko zuzendariak etorkizuneko erronkak agertu zituzten, eta, halaber, eskerrak eman zizkieten irakurle, harpidedun eta era batera edo bestera BERRIAren lagun diren guztiei.