Gizartea

Donostiako lau gazte atxilotu zituzten atzoko istiluetan, eta Ertzaintzak ez du baztertzen gehiago atxilotzea. Bideo bat zabaldu da sare sozialetan: ertzain batek agintzen du «jotzeko tiro» egiteko. Bederatzi zauritu daudela esan du Segurtasun Sailak.

Arabako, Bizkaiko eta Gipuzkoako hogei herrik dute azkeneko hamalau egunetan 100.000 biztanleko 500 kasu baino gehiago, eta itxi egingo dituzte bihar. Ostalaritza ere itxi egingo dute herri horietan. Tartean dira Bilbo, Elorrio, Azpeitia, Pasaia, Zumarraga eta Legutio. Soilik Deba aterako da eremu gorritik.

Ongizate energetikorako eskubidea bermatzeko lege proposamen bat aurkeztu du EH Bilduk, pobrezia energetikoaren kontzeptua gainditzeko helburuarekin. Haren arabera, egoerak «okerrera» egin du azken urteetan, eta herritarrek «erantzunak» behar dituzte.

Osakidetzak eta Osasunbideak ia 17.000 test egin zituzten atzo, eta horien %8k eman dute positibo: 1.346k. Laugarren egunez jarraian, handitu egin da egun bakarrean zenbatutako positibo kopurua. 121 lagun daude Hegoaldeko ZIUetan.

Geroa Baik egin duen proposamenean, atzerritarrak D eta A ereduetan matrikulatzera animatzeko kanpaina eskatu dute. Iruñeko ganberan, ordea, EH Bilduren babesa bakarrik jaso du egitasmoak.

Azken hamalau egunetan 100.000 biztanleko 500 kasu positibo baino gehiagoko intzidentzia tasa metatua duten udalerriak ixtea erabaki du Eusko Jaurlaritzak, eta herri horietako ostalaritza ere itxi egingo dute.

Donostiako Parte Zaharreko Gazte Asanbladak salatu du auzotar asko zauritu zirela atzo. Erkorekak gaitzetsi egin ditu istiluak.