Berria 
Lurrikarak Indonesian
Irailaren 29an bi lurrikara eta tsunami bat izan ziren Indonesiako Sulawesi irlan. Ondorioz milatik gora izan dira hildakoak eta ehunka zaurituak. / 2018-10-01
Argazki Bildumak
Tsunamia eta erreplikak
Bi lurrikaren ostean, hainbat erreplika izan ziren uhartean. Ordea, handik gutxira heldu zen tsunamiak eragin zituen kalte handienak. Sei metro arteko olatuek jo zituzten kostaldeko hiriak, hainbat eremu urpean utziz.
2018-10-01
BNPB, EFE
Bi lurrikara
Arratsaldeko 17:00k inguruan izan zen lehen lurrikara. Richter eskalan 6 graduraino heldu zen, baina ez zuen kalte handirik eragin. Bigarrena, ordea, gogorragoa izan zen 7,4 graduraino heldu zen eta eraikin ugari eraitsi zituen, Palu hirian, batez ere.
2018-10-01
Zaurituak eta hildakoak
Berehala hasi ziren desagertuen inguruko lehen datuak heltzen. Zaurituak ere "ehunka" zirela aipatzen zuten iturri ofizialek. Herritarrek erietxeetara jo zuten laguntza eta informazio eske. Irudian, jendea zain Paluko ospitaleko atarian.
2018-10-01
BNPB, EFE
Hondamendia
Orduak aurrera joan ahala, hildakoen kopuruak ere gora egin zuen. Hasieran 300 inguru zirenak, 800 bilakatu ziren eta horiek 1.200.
2018-10-01
Mast Irham, EFE
Erreskate lanak
Lau egun geroago, uharteko zenbait eremuk inkomunikatuta jarraitzen dute. Iturri ofizialek aitortu dute ez daukatela nahikoa baliabide hondamendiari aurre egiteko.
2018-10-01
Mast Irham, EFE
Zaurituak
Zaurituak 500dik gora dira, eta horiek artatu ahal izateko behin-behineko erietxeak jarri dituzte herrietan.
2018-10-01
Mast Irham, EFE
Palu
Palu hiria izan da kalte handienak jasan dituena. Han 16.000 pertsonatik gora atera behar izan dituzte beren etxeetatik. Argazkian, herritar bat gertukoen gorpuak aldamenean dituela.
2018-10-01
Olagondronk, EFE
Giza laguntza
Nazioarteko laguntza heltzen hasi da Indonesiara, hegazkinez ari dira banatzen.
2018-10-01
BNPB, EFE
Baliabideak
Herri asko erabat suntsituta geratu dira, eta herritarrek ilarak egin behar dituzte giza laguntzak jaso ahal izateko. Irudian, jendea erregaia jasotzeko zain.
2018-10-01
Mast Irham, EFE
Hildakoak
Hildako kopuruak gora egiten jarraitzen du. 1.200 dira dagoeneko. Gorpuak hobi komunetan sartzeko aholkatu du Gobernuak, gaixotasunak zabaltzea eragozteko.
2018-10-01
STR, EFE
