Sartu

Izan BERRIAlaguna

Argazkiak

Negua, Errusiako Artikoan

Pedro J. Saavedra argazkilariak Norilsk Errusiako hiri sekretura egindako bidaian ateratako argazkiak. / 2019-06-28

Argazki Bildumak

Norilsk Nicklen tximinia famatuak

Kea darien tximinien paisaia Norilskeko hain berezkoa den skylinearen zati bat da. Hiriaren edozein bazterretik ikus daitezke tximiniak.

2019-06-28

Pedro J. Saavedra

Gizon zintzoa

Andrei Kiiko, 46 urte, MMC Norilsk Nickel meatze enpresako langilea. Sakelakoarekin hitz egiten ari da Putoranako goi ordokian izoztuta dauden ur-jauzi batzuk lehen aldiz eskalatzera joan diren alpinista kataluniar batzuen logistika eta garraioa kudeatzeko.

2019-06-28

Pedro J. Saavedra

Eraikitzen ari zirela bertan behera utzi zituzten eraikin sobietarrak

Sobietar Batasuna 1991an erori zenean eraikitzen ari ziren eta bertan behera utzi zituzten eraikin multzoak. Neguko hilabeteetan arazorik gabe bisitatu daitezke iraupen eskia eginez.

2019-06-28

Pedro J. Saavedra

Auzo erabat izoztuak

Norilsk kanpoaldea, Oganer auzoa. Udan urtzen denean uholde txikiak eragiten dituen elurraz estaltzen dira auzoak neguan. Gutxieneko jarduna du gizakiak, argazki ohikoenak eszenatoki post-apokaliptiko baten erdian noraezean dabiltzan pertsonenak dira.

2019-06-28

Pedro J. Saavedra

Haragi izoztua

Negu gorrian janari gehiena izoztu egiten da, batik bat barazkiak eta fruta. Ohikoena da familiek hozkailu bat edo bi izatea eta izozkailu kutxa bat. Otorduetan oso ohikoak dira basoko fruituak, batez ere ahabi gorria.

2019-06-28

Pedro J. Saavedra

Nola bizi zaitezke 45 gradutara iristen den leku batean?

Maxim, 30 urte. Sukaldean hitz egiten digu bere egunerokoaz. Hor egiten dute berak eta bere emazteak euren bizitza: janaria prestatu, muxika entzun eta abar. Bera suhiltzailea da. Iuliarekin ezkonduta dago eta bi txakur dituzte. Norilsk kanpoaldean bizi dira. Aisialdian kirola egiten du Maximek.

2019-06-28

Pedro J. Saavedra

Arratsaldeetan iraupen eskia eginez paseatzen du auzoan

Iulia, 29 urte. Haurren eski eta snowboard irakaslea da. Bere denbora librean, gazte gehienek bezala, elur kirolak praktikatzen ditu. Maxim bere senarra da.

2019-06-28

Pedro J. Saavedra

Hemen hasi zen dena

Norilskeko hiri zaharrean hasi zen dena, handik hasi zen hiria pixkanaka hazten. Barrualdea izoztuta dutela mantentzen dira arkitektura klasikoko harrizko eraikinak: bulegoak, biltegiak, etxeak...

2019-06-28

Pedro J. Saavedra

Dudinka, Errusiako Artikoaren hiriburu

Norilsketik 89 kilometro eskasera dago Dudinka, Errusiako Artikoaren hiriburu sinbolikoa eta Ienisei ibaiaren barrualdeko portu. Munduko bosgarren ibai irisgarri luzeena da Ienisei itsasontzi handientzat.

2019-06-28

Pedro J. Saavedra

Kanpotar bat ikusten duen lehen aldia

Nenet etniako adineko emakume batek argazki kamerari adi begiratzen dio bere ‘balok’-aren barruan. Ziurrenik Europatik iritsi den kanpotar bat ikusten duen lehen aldia da.

2019-06-28

Pedro J. Saavedra

Ilunabar amaiezinak

Egun amaiezinak hurbiltzen ari dira, Artikoaren inguru honetan bizi direnei psikologikoki eragiten dieten argi orduak. Ilunabarrak, horregatik, geroz eta gehiago, betierekoak izaten hasten dira garai honetan, edertasun azaldu ezinezko argazkiak eskainiz hiriaren bazter guztietan.

2019-06-28

Pedro J. Saavedra

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

 BERRIAlaguna

gezia
✕