Jendetza Hendaiako kaleetan
Antolatzaileen esanetan 15.000 manifestarik bat egin dute Hendaia eta Irun arteko martxan.
2019-08-24
JAGOBA MANTEROLA / FOKU
Agintariak presente
G7ko kideek ez dute mobilizazioan parte hartu, baina haien aurpegiek bai.
2019-08-24
JAGOBA MANTEROLA / FOKU
Migratzaileen krisia
Era guztietako aldarriak atera dituzte manifestariek kalera, eta migrazioen inguruan sortutako egoera larriak ere gogoan hartu dituzte.
2019-08-24
JAGOBA MANTEROLA / FOKU
Antikapitalistak manifestazioan batuta
Kontragailurraren ondoren, mobilizazio handi batekin bukatu du G7 Ez plataformak goi bileraren kontrako protesta. 15.000 lagun inguru elkartu dira, haien esanetan, Hendaiatik irten eta Irunen bukatu den protestan.
2019-08-24
JAGOBA MANTEROLA / FOKU
Dastaketak
Nazioarteko agintariei harrera egin aurretik, Irati aretoan izan da Macron. Ipar Euskal Herriko produktuen azoka bat antolatu dute han. Ardoa dastatu du, Max Brissonen eta Alain Rousseten aurrean.
2019-08-24
IAN LANGSDON / EFE
Trump — Macron
Ezustean eta programatik kanpo, otordu informal bat egin dute Donald Trumpek eta Emmanuel Macronek, Hotel du Palaisen, eguerdi partean.
2019-08-24
LUDOVIC MARIN / EFE
Beti baten bat falta
G7ko zazpi agintarien argazkirik ez da izan elkarrekin, lehen egunean. Macronek harrera egin die, eta haien artean binakako topaketa batzuk izan dituzte, baina zazpiak ez dira kameren aurrean agertu. Irudian, G7ko Europako lau kideak, Boris Johnson, Angela Merkel, Emmanuel Macron eta Giuseppe Conte, Donald Tuskekin.
2019-08-24
ANDREW PARSONS / EFE
Teilatuan ere zaintza
Miarritzeko Hotel du Palais ostatu hartuko dute G7ko agintariek, eta bilera gehienak ere han eta Bellevue aretoan egingo dituzte. Inguru horiek ongi zainduta dauzkate poliziek; irudian, Hotel du Palais hoteleko teilatua.
2019-08-24
GUILLAUME FAUVEAU
Kontrolak Miarritzen
Hiriaren erdialdera sartzeko baimen bereziak behar dira. Poliziek kontrol zorrotzak jarrita dauzkate baimenik ez duen inor sar ez dadin "eremu gorrian".
2019-08-24
GUILLAUME FAUVEAU
Beste manifestazio bat, hau Baionan
Deialdi publikorik ez zegoen, baina ehunka herritar bildu dira Baionan arratsaldean, G7koen mundu ereduaren kontra protesta egiteko. Prefeturak-eta neurri bereziak hartu dituzte goizetik Baionan, eta kontrolpean egon dira kale asko.
2019-08-24
GUILLAUME FAUVEAU
Poliziak gogor aritu dira: 38 atxilotu
Baionan manifestazioa antolatu dela ohartu bezain pronto, kale batzuk itxi egin dituzte poliziek. Baiona Ttipian itxita edo inguratuta eduki dituzte manifestariak, handik hirira zabal ez zitezen. 68 pertsona atxiki eta identifikatu dituzte, eta horietatik 38 eraman dituzte atxilotuta komisariara
2019-08-24
GUILLAUME FAUVEAU
Zubiak blokeatuta
Frantziako Poliziak halakoetan egin ohi duenez, burdinazko hesi handi batzuk paratu ditu Baiona Ttipiaren inguruko zubietan.
2019-08-24
GUILLAUME FAUVEAU
Negarra eragiteko gasa
Manifestariak saiatu dira Poliziak jarritako itxitura gainditzen leku batetik edo bestetik, baina ez dute lortu. Poliziak behin baino gehiagotan oldartu zaizkie manifestariei, eta negarra eginarazteko gasa erruz jaurti dute.
2019-08-24
GUILLAUME HORCAJUELO / EFE
Istiluak
Manifestari batzuek harriak jaurtitzen eta zubietan jarritako hesiak kolpatzen ekin diote.
2019-08-24
FREDERIC SCHEIBER / EFE
Ur kanoikadak
Negarra eragiteko gasaz eta 'flashball' pilota batzuez aparte, ur kanoikadak ere erabili ditu Poliziak manifestariak sakabanatu eta etxera bidaltzeko.
2019-08-24
FREDERIC SCHEIBER / EFE
Atxiloketa bat
Poliziek, halako batean, hesia gainditu, eta gutxienez pertsona bat atxilotu dute, bortizkeria handiz. Bestalde, hainbat kazetariri lana egiteko trabak jarri dizkiete; babesteko zeuzkaten kaskoak eta tresnak kenarazi dizkiete zenbaiti. Ez dute eman atxilotutako herritarrei buruzko datu ofizialik.
2019-08-24
GUILLAUME HORCAJUELO / EFE