Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

Pirritx, Porrotx eta Marimototsen agerraldia Iruñean

Iruñeko Udalak haien ikuskizuna bertan behera utzi izana salatzeko prentsaurrekoa eskaini zuten pailazoek. / 2019-11-19

Argazki Bildumak

Space

Udalak albistea emateko bidalitako mezuaren parodia erakutsi zuten

Maiatzean hitzarmena sinatu eta lau hilabetera hasi ziren arazoak pailazoentzat. Egoeraz jabetuta, Irrien Lagunak Iruñeko Udaleko alderdi politikoekin bildu ziren, aterabide bat lortzeko asmoz. Iruñeko alkatetza duen Navarra Sumak, ordea, ez zuen onartu Irrien Lagunekin biltzea. Nafarroako arartekoarengana ere jo zuten, eta arartekoak arrazoia eman zien: Iruñeko Udalari suspentsioa eteteko eskatu zion.

2019-11-19

Iñigo Uriz / Foku

Space

Erantzun gisa gutuna prestatu zuten Pirritx, Porrotx eta Marimototsek

Kontratua aztertu behar duen batzordea abenduaren 4an biltzekoa da. Ikuskizuna, ordea, azaroaren 29an da, eta, beraz, egoerak bere horretan jarraitzen badu, Pirritx, Porrotx eta Marimototsek ezingo dute ikuskizuna egin. Pailazoen hitzetan, udala oraindik garaiz dabil suspentsioa kendu eta ikuskizuna egiten uzteko.

2019-11-19

Iñigo Uriz / Foku

Space

Dena prest Iruñeko Udalari gutuna bidaltzeko

"Beste mundu bat nahi dugu, koloretakoa eta euskalduna. Beste Iruñe bat nahi dugu", aldarrikatu zuten pailazoek agerraldian. Enrique Maia Iruñeko alkateari opari batzuk ere prestatu zizkioten.

2019-11-19

Iñigo Uriz / Foku

Space

Postontzi handi batekin, kalejira abiatu zuten Kale Nagusian

Opariak prestatu eta Katakrak kanpoaldera atera ziren pailazoak. Bertan, Kale Nagusian zain zituzten ehunka ume. Irria aurpegian zutela, txalo zaparrada luze batekin hartu zituzten pailazoak, eta haiekin batera atera ziren Olentzero eta Mari Domingi.

2019-11-19

Iñigo Uriz / Foku

Space

Haur eta helduen babesa izan zuten pailazoek arratsaldean zehar

Kazetariekin egin gisan, bertaratutako haurrei ere azken egunetako gorabeheren berri eman zieten, eta mezu argia bidali zieten: "Marraztu bihotzak, muxuak eta ostadarrak, eta bidali alkateari". Maiarentzako opariak eskuan zituztela, haur zein gurasoek kalejiran egin zuten Kale Nagusitik Iruñeko udaletxerako bidea.

2019-11-19

Iñigo Uriz / Foku

Space

Udalarentzat prestatutako gutuna eta hainbat marrazki utzi zituzten udaletxeko atarian

Udaletxeko ateak itxita zeuden, ordea, eta atarian utzi zizkioten opariak alkateari. Gutuna, haurrek eginiko marrazkiak eta euskararen aldeko aldarria. Baita Marimototsen betaurrekoak: "Betaurreko hauekin koloretako mundu bat ikusten da, eta ez txuri-beltzekoa. Iruñea eta Nafarroa koloretakoak nahi ditugulako".

2019-11-19

Iñigo Uriz / Foku

Space

Dozenaka herritarrek agurtu zituzten pailazoak

Herritarrek, haur eta heldu, babesa adierazi zieten Pirritx, Porrotx eta Marimototsi, eta txalo artean agurtu zituzten.

2019-11-19

Iñigo Uriz / Foku