Berria 
Bilboko autobus geltoki berria
Gaur erakutsi dute Bizkaiko hiriburuko geltoki intermodala. Ostiralean hasiko da lanean. / 2019-11-27
Argazki Bildumak
40 milioi euro baino gehiago
Azpiegiturak 40 milioi eurotik gora balio izan du, eta udal agintariek nabarmendu dute lan guztiak amaitu ostean Basurtu auzoak 7.500 metro koadroko gune bat irabaziko duela.
2019-11-27
Monika del Valle / Foku
Lurrazpiko eraikina
300.000 metro kubo lur atera behar izan dute lur azpian egongo diren lau solairuak eraiki ahal izateko. Lanak 2017. urtearen amaieran hasi ziren, eta aurreikusi baino bi hilabete geroago amaitu dituzte.
2019-11-27
Monika del Valle / Foku
Lau solairu
Lehenengo solairuan, geltokiaren zerbitzu nagusiak kokatuko dituzte: txartelak erosteko leihatilak, bulegoak, poltsak gordetzeko kutxak eta abar. Bigarrenean nasak egongo dira, 30 orotara; gune hori beiraz inguratuta eta isolatuta egongo da.
2019-11-27
Monika del Valle / Foku
500 aparkaleku baino gehiago
Hirugarren eta laugarren solairuetan, berriz, txandakako aparkalekuak egongo dira, bostehun baino gehiago, bai eta autobusak uzteko, zaintzeko eta garbitzeko guneak ere, autobus horiek bidaldirik ez dutenean erabiltzekoak.
2019-11-27
Gaueko sarrera
Azpiegiturak bi sarbide nagusi izango ditu, eta, horretaz gainera, hirugarren sarrera bat ere edukiko du, gauez iristen diren autobusek erabiliko dutena. Hortaz, autobus horiek sartu ahal izango dira geltokia itxita egonda ere.
2019-11-27
Aireportu baten modukoa
Erabiltzaileek ere aldatu egin beharko dute jokatzeko modua: garraioetako bat erabiltzeko txartela dutenak bakarrik sartu ahal izango dira nasetako gunera, gehienez ere garraiobidea hartu baino hamabost minutu lehenago.
2019-11-27
Monika del Valle / Foku
Gardentasuna
Kaien gunea beiraz estalirik egongo da, eta bidaiarien zain daudenek barruko esparrua ikusi ahal izango dute bertara sartzeko beharrik izan gabe.
2019-11-27
Monika del Valle / Foku
Lur gaineko lanak, urtebetez
Lur gaineko lanak amaitu gabe daude, eta urtebete inguru iraungo dute plaza atontzen bukatzeko lanek.
2019-11-27
Luis Jauregialtzo / Foku
Izan BERRIAlaguna
Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.
