Bizkaiko Foru Aldundiak hainbat eraikuntza enpresatako 45 bat langile mobilizatu ditu AP-8a garbitzeko, ostegunean bertan. Amiantoagatik, gauerdian eten dituzte lanak, ordu pare batez.

Zabortegia kraskatu eta jausi denean, bertako azpiegitura eta ibilgailuak ere ezpondan behera eraman ditu, eta parean harrapatutako guztia eraman du aurretik, errepideraino. Irudiko etxeak hustu egin dituzte badaezpada ere. Erortzaren azken mingaina da irudian ikusten dena.