Berria 
Pedro Ajuriaguerraren argazki sorta
Argazkilaritza da Pedro Ajuriaguerraren (Muskiz, Bizkaia, 1974) pasioa. Hamar urte inguru dira lehen aldiz kamera bat hartu eta argazkiak ateratzen hasi zenetik, baina, dioenez, zaletasun bat besterik ez da. Urteotan, sari ugari jaso ditu nazioartean. / 2020-04-17
Argazki Bildumak
Ustekabean hartutako bidea
Duela hamar urte inguru piztu zitzaion Pedro Ajuriaguerrari argazkilaritzarekiko grina eta interesa, ustekabean. Orain, ordea, argazkilaria da: hamar urte daramatza harat eta honat, munduan bidaiatu eta gustuko dituen lekuei, eraikinei eta egoerei argazkiak ateratzen.
2020-04-17
Pedro Ajuriaguerra
Zaletasun bat
Ibilbide horretan, sari eta merezimendu asko jaso ditu nazioartean. Hala ere, zaletasun bat dela nabarmendu du. Mota askotariko argazkiak atera ditu urteotan, hala kirol argazkilaritzari lotuak, nola arkitekturari lotuak. Bi arlo horiek biak ditu gustukoen.
2020-04-17
Pedro Ajuriaguerra
Lehen pausoak kirolari lotuta
Hain justu, kirol argazkilaritzari lotuta egin zituen lehen pausoak. Dioenez, kirol jardueretan «momentua harrapatzea» da inportanteena. Hala ere, sortzaile izaten ere ahalegintzen da: «Une zehatza islatu behar duzu, baina sortzaile izateari utzi gabe».
2020-04-17
Pedro Ajuriaguerra
Arkitektura, gustukoenen artean
Arkitekturari lotutako irudiekin egin zuen jauzi nazioartera: «Arkitekturari lotutako argazkien hasi nintzen parte hartzen nazioarteko lehiaketetan; horietako zenbaitetan sariak eta aipamen bereziak jaso nituen. Sinestezina izan zen».
2020-04-17
Pedro Ajuriaguerra
Sari ugari nazioartean
Lehiaketa horietan parte hartzeak gauza askotarako balio izan dio: «Sariketa horiei esker eboluzionatu egin dut argazkilari gisa, sormena garatzeko balio izan dit, eta pertsona eta argazkilari gisa hazi egin naiz». Argazki honekin, adibidez, Kuwaiteko lehiaketa bat irabazi zuen.
2020-04-17
Pedro Ajuriaguerra
Sortzeko beharra
Argazkilariaren esanetan, «sortzea» da bere irrikarik eta zirrararik handiena, eta sormen prozesu horretan «desberdina» izaten ahalegintzen da: «Niri ez nau inoiz artearen munduak erakarri, eta, orain, etengabe sentitzen dut sormen hori elikatzeko beharra».
2020-04-17
Pedro Ajuriaguerra
Konfinamenduan, intsektuak
Koronabirusaren larria eta konfinamendua dela eta, etxetik atera ezin dago argazkilaria, eta, beraz, ezin ditu argazkiak atera. Hala ere, topatu du bere pasioa den hori egiten jarraitzeko bidea. Makro argazkilaritza egiten hasi da, eta honako irudi hau da horren adibide.
2020-04-17
Pedro Ajuriaguerra