Sartu

Izan BERRIAlaguna

Argazkiak

Jendeak kirola egiten eta paseatzen

Hego Euskal Herrian milaka herritar atera dira gaur kalera, 49 egunean lehen aldiz, kirola egitera eta paseatzera. / 2020-05-02

Argazki Bildumak

Arrotxapean korrika

Zezenik ez da izango aurten Gaseko ukuiletan uztailean. Sanferminak bertan behera utzi dituzte, baina gaur Arga ibaiaren inguru horretara jendea itzuli da.

2020-05-02

Idoia Zabaleta / Foku

Orekari eutsiz, Iruñean

Orekan datoz konfinamendutik ateratzeko neurriak. Askatasun gehiago bai, baina segurtasun neurri zorrotzekin eta etxeratzeko aginduarekin. Argazkian, 'slackline' egiten, Iruñean.

2020-05-02

Idoia Zabaleta / Foku

Hondartzak, berriro zabalik

Ez dira kaleak izan zazpi aste hauetan hustu diren bakarrak. Hondartzak ere itxita egon dira, gaur arte. Irudian, Zarauzkoa, gaur goizean goiz.

2020-05-02

Gorka Rubio / Foku

Surflariak, uretara

Korrika eta bizikletarekin soilik ez, kostaldean hainbat surflari oholarekin atera dira gaur surfa egitera, zazpi asteren ondoren. Irudian, Zarautz.

2020-05-02

Gorka Rubio / Foku

70 urtez gorakoak ere, paseatzera

10:00etan 70 gorako herritarren txanda izan da. Ordu horretatik 12:00ak arte atera ahal izan dute paseatzera, Iluntzean da beste txanda, 19:00etatik 20:00etara. Argazkian, Gasteiz.

2020-05-02

Raul Bogajo, Foku

Takonera, bizikletarekin

Kirola egiteko udalerriaren eremu osoa baliatu daiteke. Aukera hori baliatu dute askok azken egunetan ohikoak izan dituzten kaleetatik ateratzeko. Argazkian, Iruñea.

2020-05-02

Idoia Zabaleta / Foku

Segurtasun neurriekin

Kirola egiteko edo paseatzeko baimenak ez du ekarri segurtasun neurriak arintzea. Kirola bakarrik egin behar da, eta paseatzera etxe bereko bi heldu atera daitezke elkarrekin. Segurtasun distantzia gordetzen jarraitu behar da, eta kirolariak ezin du geratu; kirola jarraian egin, eta etxera joan behar du, ahalik eta gutxien geldituta. Argazkian, Gasteiz.

2020-05-02

Raul Bogajo / Foku

Eguraldia lagun

Eguzkiak ere lagundu du gaur kaleta ateratzen. Tenperatura goxoa izan da, bai kirola egiteko baita paseatzeko ere. Argazkian, Zarautz.

2020-05-02

Gorka Rubio / Foku

Kirola maskararekin

Batek baino gehiago esan du kirola egitea eta maskara janztea ez direla bateragarriak, arnasa hartzeko sortzen duen zailtasunagatik. Bat baino gehiago atera da kalera, ordea, kirola egitera maskararekin. Argazkian, Gasteiz.

2020-05-02

Raul Bogajo / Foku

Hondartzetan, jende asko

Ohiko lekuak aukeratu ditu jendeak gaur kalera ateratzeko. Iruñean eta Bilbon Argaren eta Ibaizabalen ertzetan ibili da jende gehien, eta Donostian, hondartza inguruetan. Irudian, Zurriola.

2020-05-02

Jagoba Manterola / Foku

Bi heldu elkarrekin

Maiatzaren 2tik aurrera, etxe berean bizi diren bi heldu elkarrekin paseatzera atera daitezke, eta kasu horretan segurtasun distantziarik gorde beharrik ez dago. Argazkian, Donostia,

2020-05-02

Jagoba Manterola / Foku

Segurtasun distantzia gordez

Zenbait lekutan ez da erraza izan segurtasun distantzia gordetzea, jendetzak pilatu direlako, baina eginahalak egin dituzte herritarrek, zebra bideetan kasu. Argazkian, Donostia.

2020-05-02

Jagoba Manterola / Foku

Kontxatik paseatzen

Aspaldiko partez Kontxa gaineko pasealekuan ere jendeak ibili ahal izan du ibilian, Donostian.

2020-05-02

Jagoba Manterola / Foku

Bilbotik ateratzeko aukera

Bilbo inguruko bideetara ateratzeko aukera izan dute hiriburuko biztanleek. Udalak, hasieran, debekatu egin zuen mendi aldeetara ez joateko, baina gero atzera egin du.

2020-05-02

Marisol Ramirez / Foku

Baratzera, azkenean

Profesionalek bai, baina etxeko baratzeak dituztenek ezin izan dute haietara lanera joan Nafarroan, konfinamendua agindu zutenetik; biltzera soilik joan zitezkeen. Gaur altxatu dute debekua. Irudian, Irurtzun.

2020-05-02

Jagoba Manterola / Foku

Udalerriko mugak ezagutzen

Bizikletazaleek ere atera ahal izan dute kalera; norbera bizi den udalerriko mugen barruan mugitu ahal izan dute, aspaldiko partez, arrabolak utzita. Irudian, Zarautz.

2020-05-02

Gorka Rubio / Foku

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

 BERRIAlaguna

gezia
✕