Berria 
Lau hamarkadako balentria
Gaur betetzen dira 40 urte Martin Zabaletak Everesteko gaina jo zuela. Euskal mendizaletasunean mugarri izan zen. / 2020-05-14
Argazki Bildumak
Gaur duela 40 urte. Martin Zabaleta lehen mendizale euskalduna bilakatu zen Everesteko gaina (8.848 metro) jotzen. Artean ez zegoen sakelako telefonorik, irratiak bakarrik. Baina Uriartek tontorretik egindako oihua entzun egin zen. Hala jakin zuten bere espedizioko kideek, gaina jo zuela
2020-05-14
Martin Zabaleta
Zabaletarekin batera, espedizioa osatu zuten Felipe Uriartek, Luis Mari Saez de Olazagoitiak, Angel Rosenek, Juan Ignacio Lorentek, Juan Ramon Aurrek, Kike de Pablosek, Xabier Errok, Ricardo Gallardok, Xabier Garioak, Emilio Hernandok eta Jose Urbietak.
2020-05-14
Felipe Uriarte
Zabaletak eta Pasang Temba xerpak lortu zuten gora igotzea. Balentria handia izan zen, orduan mendizaletasunak ez zuelako zerikusirik gaur egungoarekin. Artean 38 mendizalek baino ez zuten lortu Everest igotzea. Irudian, Pasang Temba, tontorreko argazkiarekin.
2020-05-14
Joseba Sanz
Hunkigarria izan zen Euskal Herrira buelta, jende mordoa bildu zen Sondikako aireportua harrera egitera, euskaldun askok beraiena bezala sentitu baitzuten igoera hura. Carlos Garaikoetxea lehendakariak garaikur bana eman zien igoera egin zuten alpinistei.
2020-05-14
Hura ez zen izan, ordea, Everest igotzeko lehen saiakera. Sei urte lehenago Tximist espedizioa abiatu zen, baina ez zuten helburua lortu. Irudian, Martin Zabaleta eta Felipe Uriarte, 1980ko espedizioan.
2020-05-14
Everest '80 espedizioa
Izan BERRIAlaguna
Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.
