Berria 
Argazki Bildumak
Karrikan ez dago lotirik
Ohikoa da Iruñera bertaratu eta jendea karrikan lo ikustea. Autobus geltokiko zelaia izaten da anitzek aukeratzen duten lekua. Lotirik ez da aurten zelaian.
2020-07-14
Iñigo Uriz, Foku
Estafeta, hutsik
Estafeta karrika izaten da sanferminetan jende gehien batzen duen lekuetariko bat. Aurten, ordea, jendea ibili bada ere inondik inora ez da aitzineko urteetako jendetzarik bildu.
2020-07-14
Iñigo Uriz, Foku
Kilikirik ez
Iruñeko Erraldoien konpartsa izaten da bestetako izar nagusietako bat, batez ere haurren artean. Aurten, ez da ez kiliki, ez zaldiko ez erraldoirik atera karrikara. Iruñeko haurrek urtebete itxaron beharko dute beraien aitzinean lasterka eta dantzan ibiltzeko.
2020-07-14
Iñigo Uriz, Foku
Anabasaren tokian, motor bat xuxulaka
Runa parkean paratzen dituzte sanferminetako barrakak Iruñean. Aurten, aldiz, atrakziorik ez eta motor soinua bakarrik entzuten da.
2020-07-14
Iñigo Uriz, Foku
Gorria bai, zuririk ez
Zuri gorri kolorea hartzen du uztailean Iruñeak, baita Gazteluko plazak ere. Aurten gorri gehiago ikusi da bertan zuria baino.
2020-07-13
Iñigo Uriz, Foku
Garbitzaileek ere ohikoa baino lan gutxiago
Jendeak utzitako zikinkeria garbitzen lan handia izaten dute Iruñeko garbitzaileek sanferminetan. Ohiko jendetzarik gabe, ohikoa baino lan gutxiago egin beharko dute aurten.
2020-07-13
Iñigo Uriz , Foku
Ez korrikalaririk, ez zezenik
Sanferminak bertan beheiti uztearen ondorioz aurten ez da entzierrorik izan Iruñean. Goizeko zortzietan jendez lepo egon ohi da zezen plazako sarrera. Aurten, ordez, ez zezenik ez jenderik. Hutsik da entzierroaren ibilbidea eta hutsik plaza.
2020-07-11
Iñigo Uriz, Foku
Izan BERRIAlaguna
Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.
