Berria 
Suteak Kalifornian
Gutxienez 35 pertsona hil dira AEBetako mendebaldean piztutako suteetan, eta gagoeneko bi milioi hektarea erre ditu suak Kalifornian, Oregonen eta Washingtonen. / 2020-09-14
Argazki Bildumak
Kalifornian, igandean 29 su zeuden kontrolik gabe, eta haize indartsuak espero zituzten irailaren 14rako. Irudian, Pioneer Union (Kalifornia) haur eskolaren hondarrak, suak eraikina kiskali ondoren.
2020-09-13
Peter Dasilva / EFE
North Valleyko animaliak salbatzeko taldeko boluntarioak txakur bat garraiatzen, suak kiskalita gune batean aurkitu ondoren, Berry Creeken (Kalifornia).
2020-09-13
Peter Dasilva / EFE
Oregonen ere alerta gorria jarri dute. Han suak hainbat etxe suntsitu ditu, eta 30 bat foku daude kontrolik gabe; haietako handienak 89 kilometro zabal ditu.
Irudian, suhiltzaile bat lanean, Angeles Baso Nazionalean, Arcadiatik gertu (Kalifornia).
2020-09-13
Etienne Laurent / EFE
Oregongo gobernadorearen arabera, hamar pertsona hil dira, baina beste dozenaka desagerturik daude. Washingtonen, berriz, bakarra da oraingoz hildakoa eta bost dira kontrolatu gabe dauden suteak. Irudian, suhiltzaileak sua erabiltzen,sutea gelditzeko ebakiak sortzeko, Angeles Baso Nazionalean, Arcadiatik gertu (Kalifornia).
2020-09-13
Etienne Laurent / EFE
Eguerdian horrela zegoen San Frantziskoko Golden Gate zubiaren gaineko zerua, atzo. Errautsak kaleak eta autoak estali ditu egunotan.
2020-09-11
John G. Mablango / EFE
Berrogei sute baino gehiago piztu dira egunotan Kalifornian, eta horien erdia "sute handi" kategorian sartu dituzte agintariek. Irudian, San Frantziskoko Giants taldeko Gaylord Perry jokalari historikoari eskainitako estatua.
2020-09-09
John G. Mablango / EFE
San Frantziskoko California Street, keak eta lainoak atzo eguerdian emaniko kolorearekin.
2020-09-09
John G. Mablango / EFE
2020. urtea hasi zenetik, 7.600 sute piztu dira Kaliforniako inguru horretan. Irudian, erretako gasolindegi bat, Shaver Laken, Sierra Baso Nazionalean.
2020-09-08
Etienne Laurent
Dagoeneko, 930.000 hektarea kiskali dituzte suteek. Irudian, suhiltzaile talde bat atsedena hartzen, North Forken inguruan.
2020-09-08
Etienne Laurent / EFE
Aurtengo egoera bereziki larria da, iaz urte osoan, bakarrik 5.000 sute piztu zirelako, eta erretako hektareak ez ziren 47.000tik pasatu. Irudian, auto bat kiskalita, Sierra Baso Nazionalean.
2020-09-08
Etienne Laurent / EFE
Harrigarria da aurtengo egoera, "sute sasoia" urria eta azaroaren artean delako Kalifornian. Beraz, oraindik okertzea espero dute, bazterrak oso lehor daudelako.
2020-09-08
Etienne Laurent / EFE
Izan BERRIAlaguna
Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.
