Kotxean ospatzen
Atlanta. Leku askotan bilkurak egin dituzte eta kalera atera dira, baina beste askok autoa hartuta kaletik paseatuz ospatu dute demokraten garaipena.
2020-11-08
CHRIS ALUKA BERRY / EFE
Trumpen bakardadea
Washington. Golfean jolasten ari zela jakin du emaitzaren berri Donald Trumpek. Horrela itzuli da partida jokatzetik Etxe Zurira.
2020-11-07
Chris Kleponis / POOL / EFE
Jendetza Etxe Zuriaren aurrean
Washington. Milaka herritar bildu dira presidentearen egoitzaren aurrean, Black Live Matter izenarekin berriro bataiatu duten plazan, Trump ez dutela lau urte gehiagoz jasan beharko ospatzera.
2020-11-07
SHAWN THEW / EFE
Pozez malkotan
Washington. Asteartean izan zuten botoa emateko eguna, eta tentsio handiko lau egun igaro dituzte kontaketaren inguruan. Bidenen garaipena ezagutu dutenean, pozez lehertu dira haren jarraitzaileak.
2020-11-07
WILL OLIVER / EFE
Xanpainarekin
Washington. Kantuan, dantzan, oihuka... ospatu dute Bidenen jarraitzaileek garaipena, eta leku askotan xanpain boteilak ere ireki dituzte.
2020-11-07
MICHAEL REYNOLDS / EFE
'Kalean zaude'
Miami. Donald Trumpek berak aurkezten zuen telebistako saio batean erabiltzen zuen 'You're fired' (kalean zaude) espresioa, lehiakideetako bat kanporatu behar zuenean. Gaur agindua itzuli diote Trumpi kalean.
2020-11-07
Giorgio Viera / EFE
Kubatar batzuk ere bai
Miami. Tradizioz, Floridako komunitate kubatarrak errepublikanoak babestu ohi ditu, baina gaur kubatar batzuk ere atera dira kalera, Bidenen garaipena ospatzera.
2020-11-07
Giorgio Viera / EFE
Bidenen sorlekuan
Filadelfia. Pennsylvaniakoa da Biden, eta han trenkatu du hauteskundeen emaitza. Filadelfian, estatu horretako hiri nagusian, festatzat hartu dute herritar askok.
2020-11-07
JUSTIN LANE / EFE
Musikarekin
Los Angeles. Dantzatuz, kantatuz, builaka, elkar zorionduz, autoetan sartuta hiriak zeharkatuz... Era askotara ospatu dute Bidenen garaipena, baina musikarekin ere; talde hau zuzenean aritu da Los Angelesko kaleetan.
2020-11-07
PETER FOLEY / EFE
Dantzarekin
Oakland. Errepide erdira atera eta dantzatuz ospatu dute argazkiko herritarrek demokraten garaipena.
2020-11-07
JOHN G. MABANGLO / EFE
Agur, Trump
Washington. Bidenen garaipena bezainbeste ospatu dute Trumpen porrota estatubatuar askok. Ez diote adio gozoa opatu gaur.
2020-11-07
MARIO CRUZ / EFE
Trumpen zaleekin liskarrean
Boston. Zenbait lekutan Trumpen zaleak ere kalera atera dira, irudi honetan ikusten den bezala, eta Bidenen garaipena ospatzen ari zirenekin liskarrean aritu dira.
2020-11-07
Amanda Sabga / EFE
Trumpek baztertutakoen poza
Los Angeles. Besarkada honetan agertzen dira beltzak, emakumeak eta homosexualak ordezkatuta: Trumpen agintaldiak baztertu eta gutxietsi dituen kolektiboak. Haiek izan dira gaurko ospakizunetako protagonistetako batzuk.
2020-11-07
ETIENNE LAURENT / EFE
Trumpi ostikoka
Filadelfia. Gazte bat, Trumpen irudi bati ostikoka. Haren kontrarioek euforia momentuak izan dituzte, ez duela presidente gisa jarraituko ezagutu dutenean.
2020-11-07
TRACIE VAN AUKEN / EFE
Berria 
