Sartu

Izan BERRIAlaguna

Argazkiak

Sin límites telesailaren grabaketa

RTVEren eta Amazon Prime Videoren 'Sin límites' telesailaren grabaketak Euskal Herrian abiarazi dituzte. Elkanok 1519tik 1522ra munduan egindako bidaiaren gorabeherak jasotzen ditu telesailak, eta irudietan, Argentinako Patagoniako San Julian badia XVI. mendean irudikatzen ari dira Getxoko Azkorri hondartzan (Bizkaia). Juan Sebastian Elkano eta Fernando Magallaes inguru horietara iritsi zirenekoak eta Argentinako lehen meza katolikoa ari dira grabatzen. Simon West zinemagilea da ekoizpenaren zuzendaria. / 2021-05-06

Argazki Bildumak

Euskal Herriko hainbat lekutan egingo dituzte grabaketak

Euskal Herriko txoko ugari izango dira telesailaren eszenatoki: Getxoko Azkorri hondartza (Bizkaia); Azkoitiko Santa Klara komentua (Gipuzkoa); Erriberri, Nafarroako errege-erreginen jauregia (Nafarroa); Iruñeko Katedrala eta Lazkaoko Infantodoko jauregian (Gipuzkoa) —maiatzeko lehen hamabostaldian—.

2021-05-06

Bilbao Bizkaia Film Commission

Aktore ezagunak, eta euskaldunak

Elkanoren rola Alvaro Mortek jokatuko du, eta Magallaesena berriz, Rodrigo Santoro brasildarrak. Honako aktore hauek ere parte hartuko dute fikzioan: Sergio Peris-Menchetak, Adrian Lastrak, Carlos Cuevasek, Pepon Nietok, Raul Tejonek, Gonçalo Dinizek eta Manuel Moronek. Horrez gain, Euskal Herriko zenbait profesional ere badaude lantaldean: gidoien arduraduna Patxi Amezkua da; ekoizleen artean Miguel Menendez de Zubillaga dago (Mono Films ekoiztetxearen sortzailea); eta aktoreen artean, Barbara Goenagak Beatritzen pertsonaia interpretatuko du.

2021-05-06

Bilbao Bizkaia Film Commission

Munduko biraren mendeurrenaren ospakizuna

Otsailean, proiektuaren aurkezpen bat egin zuten Espainiako Armadaren kuartel nagusian. Izan ere, ekoizpena Espainiako Defentsa Ministerioak eta RTVEk sinatu zuten hitzarmen baten barnean sartuta dago, munduko biraren bosgarren mendeurrena ospatzeko.

2021-05-06

Bilbao Bizkaia Film Commission

Matxinadak, exekuzioak eta liskarrak, Getxon

Getxoko Azkorrin grabatutako eszenetan, honelakoak birsortu dituzte: matxinadak, exekuzioak, erbesteratzeak eta Patagoniako indigenekin izandako «liskarrak».

2021-05-06

Bilbao Bizkaia Film Commission

Grabaketak, baita beste leku batzuetan ere

Euskal Herriko grabaketak bukatu ondoren, lantaldea Dominikar Errepublikara joango da, itsasoko eszenak Pinewood estudioetan grabatzeko. Sevillan (Espainia) ere grabatuko dituzte itsasoan girotutako pasarte batzuk. Horretarako, Victoria eta Trinidad ontziak berriz eraikiko dituzte. Nao Victoria ontziaren erreplika erabiliko dute, bidenabar. Ontzi hori izan zen munduko bira egitetik Europara itzuli zen bakarra. Telesailaren grabaketak Madrilen amaitzea espero dute, uztailean.

2021-05-06

Bilbao Bizkaia Film Commission

Elkano, mundu osora

Telesailak 60 minutuko lau atal izango ditu. Amazon Prime Videok Europako zortzi merkatutan eta Ameriketako Estatu Batuetan estreinatuko du. TVEk geroago estreinatuko du.

2021-05-06

Bilbao Bizkaia Film Commission

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

 BERRIAlaguna

gezia
✕