Sartu

Izan BERRIAlaguna

Argazkiak

Buruzagi independentisten irteera

Hasi dira kalera irteten preso zeuden Kataluniako buruzagi independentistak. Pedro Sanchez Espainiako presidenteak astelehenean iragarri zuen indultuak emango zizkiela, atzo onartu zuen neurria Ministro Kontseiluak, eta gaur argitaratu dute Estatuko Aldizkari Ofizialean. Buruzagiak espetxeratuta zeuden Lledonersko, Puig de les Bassesko eta Wad Rasko espetxeetan, eta irten direnean jende andana bildu da haiek agurtzera. / 2021-06-23

Argazki Bildumak

Jordi Cuixart eta Jordi Sanchez

Espetxe kanpoan hitz egiten lehena Jordi Cuixart izan da. Kataluniarrek egin dutenaz harro egon behar dutela adierazi du, baina hasi bezain pronto izan ditu gogoan erbesteratutako politikariak. Azpimarratu du gaurkoa ez dela euren ideiei uko egiteko egun bat, «haiek sendotzekoa baizik».

2021-06-23

Quique García

Babesa espetxe kanpoan

Raul Romeva, espetxe inguruan bildu diren herritarrei eta ordezkariei agurtzen. Jende andana bildu da haiei babesa adieraztera. Besteak beste, buruzagiek argi utzi dute kartzelan sartzean zituzten ideia berberekin atera direla kalera, eta independentziaren alde lanean jarraituko dutela.

2021-06-23

Quique García

Pere Aragones eta Oriol Junqueras

Pere Aragones Generalitateko presidenteak Oriol Junqueras agurtu du. Gainerako buruzagi independestiten antzera, gaur irten da kalera, Pedro Sanchez Espainiako presidenteak astelehenean iragarri baitzuen indultuak emango zizkiela. Hala, atzo onartu zuen neurria Ministro Kontseiluak, eta gaur argitaratu dute Estatuko Aldizkari Ofizialean.

2021-06-23

Quique García

«Denok batera atera gara espetxetik»

Oholtzan hurrena Jordi Sanchez izan da: «Gertatu den guztia eta gero, denok batera atera gara espetxetik, harro, duin eta herri honentzat askatasuna lortzera». Eskerrak eman dizkie egunero babesa erakutsi dietenei. Etrokizunaz ere hitz egin du: «Europako Giza Eskubideen Auzitegiak Espainia zigortuko du, ziur gaude», esan du.

2021-06-23

Quique García

Josep Rull ere oholtzara

Jarraian hitz egin duten Joaquim Fornek eta Josep Rullek ere esker hitzak izan dituzte, babestu dituztenentzat eta «Kataluniako herriarentzat». Argi utzi dute kartzelan sartzean zituzten ideia berberekin atera direla kalera, eta independentziaren alde lanean jarraituko dutela.

2021-06-23

Quique García

Elkartasuna euren artean

Josep Rull eta Jordi Turull, elkar besarkatzen, espetxe ingurura bildu den herritar eta ordezkari politiko guztien aurrean eta haien babesaren eta elkartasun hitzen artean.

2021-06-23

Quique García

Dolors Bassa ere atera da

Puig de les Basses espetxeratuta zegoen Dolors Bassa, eta hark ere hitz egin du kalera atera bezain pronto. Forcadellen ildo beretik, esan du indultuena lehen pauso bat dela, eta gogoan izan ditu «erbesteratuak eta errepresioa jasaten dutenak».

2021-06-23

David Borrat

Indultu partziala

Buruzagiak kalera irten diren arren, indultuak partzialak dira, eta ezarri zitzaizkien inhabilitazio zigor horiek bete egin beharko dituzte. Erabakia argudiatzeko, neurriaren «erabilera publikoa» nabarmendu zuen atzo Sanchezek. Irudian, Raul Romeva.

2021-06-23

Quique García

Inhabilitazio zigorra

Presidenteak berak eman zituen indultuen inguruko xehetasunak, eta azaldu zuen ezen, diru publikoa bidegabe erabiltzeagatik eta sedizio delituengatik ezarritako espetxe zigorrak etengo zaizkien arren, inhabilitazio zigorrak bete beharko dituztela bederatzi buru independentistek. Irudian, Oriol Junqueras.

2021-06-23

Quique Garcia

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

 BERRIAlaguna

gezia
✕