Aurkezpenena, boxeolarien moduan
Hasieratik nabari zen giro berezia Bizkaia pilotalekuan. Bi pilotari gazte, zaleak berriz ere harmailetan, baten eta bestearen aldeko oihuak... eta hori gutxi balitz, argiak itzali eta bi boxeolariren gisan aurkeztu zituzten Altuna eta Laso.
2021-11-15
Monika del Valle / Foku
Hasieran urduri
Lehen sakea Lasori egokitu zitzaion, eta falta egin zuen: luzeegi atera zuen. Bigarrena, berriz ere luze. Aurkezpenak eta giroak urduritasuna areagotu ote zuten...
2021-11-15
Luis Tejido / EFE
Altuna, nagusi
Neurketaren lehen zatian amezketarra izan zen onena. Haren erritmora jokatu zuen Lasok, eta nagusiki defentsan jardun behar izan zuen. Txapeldunak bikain aurkitu zituen kantxako bazterrak. 12-7.
2021-11-15
Monika del Valle / Foku
Joera aldaketa
Atsedenalditik bueltan, ordea, erasokorrago kantxaratu zen Laso. Eta asmatu zuen. Tanto bat bestearen atzetik egiten hasi zen nafarra, eta aurrea ere hartu zuen. 13-14.
2021-11-15
Monika del Valle / Foku
Ingurukoen babesa
Lasoren bolada onarekin gehien gozatu zutenak, haren zaleak. Bi pilotariek izan zuten babesa frontoian. Eta Lasok argi utzi zuen pankartetako batek zioena betetzeko moduan dela: «Lekuak igual dio, berriz ikusiko garela idatzita dago». Jarraitzaile asko musukorik gabe zeudela eta, ordea, neurketa eten zuten 19-19an.
2021-11-15
Monika del Valle / Foku
Pilotariak, ahituta
Neurketa gogorra izan zen, bereziki markagailuan berdinketak hasi zirenean. Izugarri jokatu zuten bi pilotariek, eta tanto bakoitza gogor borrokatu behar izan zuten. Neke keinu nabarienak egin zituena Laso izan zen.
2021-11-15
Monika del Valle / Foku
Zaleak, zoratuta
Tanto gogor horiekin, ordea, gozatu egin zuten pilotazaleek. Eurak izan ziren finalaren beste protagonista handietako bat: publikoa berriz itzuli zen final handi batera, eta nabaritu zen haren presentzia.
2021-11-15
Monika del Valle / Foku
Altuna III.a txapeldun
Azkenean, azken bi tantoak jarraian egin eta 22-20 nagusitu zen faboritoa, Altuna. Lasok, ordea, argi utzi zuen maila goreneko pilotaria dela. Amorruz ospatu zuen amezketarrak. Ez zen gutxiagorako.
2021-11-15
Monika del Valle / Foku
Botileroaren besarkada
Botileroa eta lehengusua. Partidetan Gorka Altuna izaten du alboan Jokinek, konfinatzazko senidea eta laguna. Neurketaren ostean eman zuten besarkadak dena erakusten du.
2021-11-15
Monika del Valle / Foku
Hiru txapeldun
Podiumean elkartu ziren hiru pilotari bikain. Altuna III.a txapeldun handia, langabeziatik final handi batera heldu den Laso, eta ziurrenik txapelketako pilotari onena izan den Joseba Ezkurdia. FInalaurrekoetan ezin izan zuen Altunarekin. Hirurek ere etorkizun oparoa dutela susma daiteke.
2021-11-15
Monika del Valle / Foku