U-8ko mobilizazioak

Berria

Osteguna, 2026ko apirilak 30

Izan BERRIAlaguna

Argazkiak

U-8ko mobilizazioak

Euskal presoen eskubideen aldeko mobilizazioak, hainbat hiri, herri eta auzotan. / 2022-01-08

Maitasun hitzak presoei, Laudion

Iluntzean, mobilizazioaren hondarrean, euskal presoei eskainitako mezu bat argiztatu dute Laudioko (Araba) udaletxe plazan: "Maite zaituztegu" handi bat irakur zitekeen ilun artean. Kantuz ere girotu dute arratsa.

2022-01-08

Raul Bogajo, FOKU

Bilboko manifestazioa, lepo

Pandemiak behaturik, Sare plataforma herritarrak erabaki zuen bertan behera utziko zutela euskal herritarrak Bilboko manifestazioan parte hartzeko deia. Herrietan antola zitezela eskatu zuten, kontrara. Dena dela, Bizkaiko hiriburuko mobilizazioa izan da jendetsuenetarikoa, ohi zenez. Jendetza bildu da.

2022-01-08

Aritz Loiola, FOKU

Ilunabarrak hartu du manifestazioa

17:00ak aldera abiatu dira gaur eginiko mobilizazioetako asko. Iluntzean, milaka herritar kalean ziren oraindik ere, aldarriak ahotan. Irudian, zenbait herritar Bilboko manifestazioan, zerua atzean.

2022-01-08

Zutabetan, pausoka

Pandemiak bigarrenez baldintzatu du euskal presoen eskubideen aldeko manifestazio nagusia. Segurtasun neurriak bete zitezen, ilaratan aritzeko eskatu diete antolatzaileek herritarrei, pertsonen arteko distantzia gordetze aldera. Edonola ere, izurriteak apenas oztopatu duen protesta.

2022-01-08

Aritz Loiola, FOKU

Aldarri beraren bozgorailu, banan banan

Hainbat herritar ilaratan banaturik, Bilboko karrika batean.

2022-01-08

Aritz Loiola, FOKU

Gasteizen ere, manifestazio jendetsua

Arabako hiriburuan herritarrek grinez egin dute bat manifestaziorako deiarekin. Euskal presoen aldeko mezuz josiak izan dira Gasteizko kaleak.

2022-01-08

Endika Portillo, FOKU

Ilunari argia emateko

Euskal presoek eskubideak dituztela eta horiek errespetatu beharra aldarrikatu dute herritarrek Sarek deitutako mobilizazioetan.

2022-01-08

Endika Portillo, FOKU

Euskal presoak etxeratzeko eskea

Ohi denez, ez dira faltatu euskal presoak etxera ekartzeko eskeak. Ugari izan dira mezu horiek idatzirik zituzten pankartak; herritar askok horiek eskutan izanik egin dute bidea manifestazioetan. Irudian, zenbait lagun Gasteizen.

2022-01-08

Endika Portillo, FOKU

«Ez dugu pribilegiorik eskatzen; justizia baino ez»

Sarek Bilbon egin du mobilizazioen ondoko mezuaren irakurketa. Euskal presoen giza eskubideak errespetatzeko eskatu du plataformak: «Ez dugu pribilegiorik eskatzen. Justizia eskatzen dugu, justizia baino ez».

2022-01-08

Aldarri ozenak oihaletan

Oihal handiek jantzi dute protesta Donostian. Herritarrek espetxe politikan aldaketak egin daitezela galdegin dute horien bidez.

2022-01-08

Gorka Rubio, FOKU

Jendetza Donostian

Gipuzkoako hiriburuko protestak parte hartze handia izan du. Errenkadan egin dute bidea herritarrek.

2022-01-08

Gorka Rubio, FOKU

Euria ez da traba

Euskal Herriko 200 herri ingurutan egin dituzte mobilizazioak. Euria aritu du horietako zenbaitetan, baina horrek ez ditu herritarrak uxatu. Irudian, zenbait lagun Errenterian (Gipuzkoan) eginiko protestan, euritakoak eskuetan.

2022-01-08

Bergaran, kaleetan barrena

Babes handia jaso dute mobilizatzeko egindako deialdiak. Ez soilik hiriburuetan; herrietan ere handia izan da parte hartzea. Irudian, hainbat herritar Bergarako kaleetan barrena.

2022-01-08

Gotzon Aranburu, FOKU

Urretxu eta Zumarraga

Dozenaka lagunek hartu dute parte Urretxuko eta Zumarragako manifestazioan, iluntzean.

2022-01-08

Gotzon Aranburu, FOKU

Baionan, aldarri ozenak

Gainerako herrietan baino are lehenago ekin diote mobilizazioei Baionan, Bakegileek deituta: 15:00etan hasi dute manifestazioa. Jendetsua izan da, oso.

2022-01-08

Patxi Beltzaiz

Joaldunek giroturik

Mezuekin eta aldarrikapenekin batera, ez da faltatu arratsaldea girotzeko doinurik ere. Joaldunak izan dira Baionako mobilizazioan.

2022-01-08

Patxi Beltzaiz

"Fase berri bat", desobedientzia zibilerantz

Baionako manifestazioaren hondarrean, bakegileek ekitaldia egin dute. Han, iragarri dute Euskal Herriaren gatazkari konpontzea helburu, beste fase bati ekin diotela. Ekintzak eginen dituzte: lehena, otsailaren 18an. Jendetza bildu da bakegileen mezua aditzeko.

2022-01-08

Patxi Beltzaiz

Iruñean, tinko

Arratseko 19:00etarako zegoen deitua Iruñeko protesta. Bat egin dute euskal presoen eskubideek aldeko aldarriarekin. Irudian, ehunka herritar Alde Zaharreko San Frantzisko plazan.

2022-01-08

Iñigo Uriz, FOKU

Nork beretik, helburu komunarekin

Presoak etxera ekartzeko eskea egin dute herritarrek. Irudian, zenbait lagun Iruñeko mobilizazioan, iluntzean.

2022-01-08

Iñigo Astiz

Lesakan ere bai

Hainbat herritarrek hartu dute parte Lesakan (Nafarroan) deituriko protestan. Irudian, dozenaka lagun zubiaren alde banatan, arratsaldean.

2022-01-08

SARE

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

BERRIAlaguna

U-8ko mobilizazioak

Argazki Bildumak

Izan BERRIAlaguna