Ukrainako gerra, iruditan

Leku seguruetara iristen

Ukrainatik ihes egin duten hainbat errefuxiatu, Herbeheretako Waddinxveen hirian prestatu duten kanpaleku batera iristen.

2022-03-04

Marco de Swart / EFE

Beldurra eta itxaropena

Haur bat tren baten leihotik begira, Kievetik kilometro gutxira dagoen Irpin herrian.

2022-03-04

Michail Palinchak / EFE

Asko eta asko, Poloniara

Ukrainako hainbat iheslari Poloniaren eta Ukrainaren arteko mugan, Hrebennenko inguruetan.

2022-03-04

Wojtek Jargilo / EFE

Tartean, haur eta emakumeak

Herrialdetik ihes egin duten asko eta asko haur eta emakumeak dira. Irudian, haurtxo bat, Ukraina eta Polonia arteko mugan dagoen Hrebennen herrian.

2022-03-04

Wojtek Jargilo / EFE

Bitartean, harrera prestatzen

Bitartean, Europako hainbat herrialdetan eta txokotan Ukrainatik datozen errefuxiatuak hartzeko guneak prestatzen ari dira. Irudian ikusten dena Herbehereetako Waddinxveen hiriko gune bat da.

2022-03-04

Marco de Swart / EFE

Kharkiveko kale bat (Ukraina), eraso baten ondoren

2022-03-03

SERGEY KOZLOV / EFE

Gerraren arrastoak, Kharkiven (Ukraina)

2022-03-03

SERGEY KOZLOV / EFE

Gizon bat oinez, Borodyankan (Ukraina), eraitsitako eraikin baten aurrean.

2022-03-03

ALISA YAKUBOVYCH / EFE

Iheslariak Moldaviara iristen

Ukrainatik ihes egin duten hainbat herritar, Moldaviara iristen. Erakusketa zentro bat egokitu dute bertan, eta errefuxiatuen kanpaleku gisara antolatu.

2022-03-02

Dumitru Domu / EFE

Noraeza eta kaosa nagusi

Iheslariak iritsi eta iritsi ari dira: oinez, autoz, autobusez, trenez... Eta iristean, noraeza eta kaosa dira nagusi. Irudian, Moldaviako ingurune batean prestatu duten errefuxiatuen kanpalekura iritsi diren hainbat iheslari, askotariko paper eta dokumentuak eskuan dituztela.

2022-03-02

Dumitru Domu / EFE

Ziurgabetasuna herritarren begietan

Ukrainako tren geltokiak herrialdetik ihes egin behar duen jendez gainezka daude. Ziurgabetasuna nabari da horietako gehienen begietan. Irudian, Lviv hiriko tren geltokitik abiatzear dagoen tren bat.

2022-03-02

Borja Sanchez Trillo / EFE

"Stop war"

Ukrainako gerraren aurkako protesta ekintza bat, Letonian, Errusiak Rigan duen enbaxadaren aurrean. Irudian, mutil gaztetxo bat, "Stop war" jartzen duen pankarta baten atzean.

2022-03-02

Toms Kalnins / EFE

Iheslari asko, Poloniara

Horietako asko eta asko Ukraina eta Polonia arteko mugara joan dira. Poloniako Gobernuak emandako azken datuen arabera, jada 450.000 dira gerra hasi zenetik muga gurutzatu duten iheslariak. Han gertatzen dena zuzenean jarraitzen ari da Amagoia Mujika BERRIAko kazetaria.

2022-03-02

Wojitek Jargillo / EFE

Laguntzaren esperoan

Asko egunez iristen dira, eta beste asko eta asko, gauez. Ez dute plan zehatzik. Irudian, hainbat pertsona, Polonia eta Ukraina arteko muga pasata, Ukrainatik ekarri ahal izan duten gutxi hori lurrean eta inork laguntzeko esperoan.

2022-03-02

Wojitek Jargillo / EFE

Kharkiv hiriko kale bat (Ukraina), bonbardaketa baten ondoren.

2022-03-01

SERGEY DOLZHENKO / EFE

Ukrainako errefuxiatuak Zahony hiriko tren geltokira iristen (Hungaria).

2022-03-01

Ukrainatik Eslovakiako Ubla herrira ihes egin duen gazte bat, aterpetxe batean atseden hartzen.

2022-03-01

MARTIN DIVISEK / EFE

Giza laguntzarako boluntarioak kutxak oinarrizko gauzekin betetzen, Ukrainako errefuxiatuentzako harrera gune batean, Dorohusken, Polonian.

2022-03-01

WOJTEK JARGILO / EFE

Boluntarioak Kievetik Varsoviara doazen ukrainarrei janaria ematen, Dorohuskeko tren geltokian (Polonia).

2022-03-01

WOJTEK JARGILO / EFE

Ukrainatik ihes egin duten hainbat pertsona, hotzari aurre egiten Poloniako Medyka herrian.

2022-03-01

Biel Aliño / EFE

Kharkiveko eraikin kaltetu bat barrutik, eraso baten ondoren.

2022-03-01

SERGEY KOZLOV / EFE

Negoziatzen hasi dira Mosku eta Kiev, Bielorrusian

Adostu bezala, Bielorrusian, Ukrainaren eta Errusiaren mugetatik hurbil bildu dira Mosku eta Kieveko ordezkariak, gatazkaren gaineko negoziaketari ekiteko.

2022-02-28

Bielorrusiako Atzerri Ministerioa

Etxebizitza eraikin bat jo dute errusiarrek obus batekin, Ukrainako Gobernuaren arabera. Kieveko erdialdeko Lobanovski etorbideko hainbat etxebizitza suntsitu ditu leherketak, baina ez dute esan biktimarik ote dagoen. Errusiako Armadak esan izan du azken egunotan ez dituztela etxebizitzak edo herritarrak jomugatzat hartuko.

2022-02-26

Ukrainako Gobernua

Suhiltzaile bat lanean, misil edo obus batek jotako erakinean, Kieveko erdialdeko Lobanovski etorbidean.

2022-02-26

SERGEY DOLZHENKO / EFE

Iheslariak Poloniako mugan

Ukrainatik ateratako jendea, Poloniako Przemysl herriko aparkaleku batean. Han antolatu dute errefuxiatuei laguntzeko gunea.

2022-02-26

DAREK DELMANOWICZ / EFE

Iheslariak Poloniako mugan

2022-02-26

DAREK DELMANOWICZ / EFE

Iheslariak Poloniako mugan

2022-02-26

DAREK DELMANOWICZ / EFE

NATOko tropak, mobilizatzen

Erresuma Batuko ibilgailu armatuak Estoniarako bidean, Letoniako errepide batean.

2022-02-25

Valda Kalnina / EFE

Auto ilara luzeak

Errusiaren erasoaldiaren ostean, herritar asko eta asko Ukrainatik irteten saiatzen ari da. Kieven, esaterako, auto ilara luzeak sortu dira goizean goizetik.

2022-02-24

Sergey Dolzhenko.

Gasolindegiak, gainezka

Autoetan ihes egiteko, baina, gasolina botatzera ere joan da asko eta asko, eta gasolindegi guztiak gainezka daude. Kieveko gasolindegi bat da irudian ageri dena.

2022-02-24

Sergey Dolzhenko

Beldurra eta urduritasuna, herritarren begietan

Urduritasuna, etsipena, beldurra... Denetarik antzeman daiteke herritarren begietan. Irudian, herritar talde bat farmazi baten atarian, Kieven.

2022-02-24

Sergey Dolzhenko.

Aurreikuspenen bila

Sendagai bila ez ezik, janari eta aurreikuspen bila ere joan dira asko eta asko. Irudi honetan, herritar andana supermerkatu baten atarian ilara egiten, Kieven.

2022-02-24

Sergey Dolzhenko.

Eraikin ugari kaltetuta

Ukrainako Barne Ministerioaren prentsa zerbitzuak eskura jarritako irudi bat. Kieveko unitate militar baten eraikinean izandako leherketa baten ondorioak erakusten ditu.

2022-02-24

Interior Ministry Press Service

Oldarraldiaren arrastoak

Kieveko unitate militarrean izandako leherketaren ondorioak, beste perspektiba batetik ikusita. Inguruko txoko eta eraikin ugari daude kaltetuta.

2022-02-24

Interior Ministry Press Service

AEBetako soldaduak

Nazioarteko hainbat herrialdek ere soldaduak bidali dituzte gatazka dagoen inguruetara. Irudi honetan, esaterako, AEBetako hainbat soldadu agertzen dira Latviako aireportuan.

2022-02-24

Gatis Indrevics Handout

Borrokarako prest

Argazki hau ere toki berean da, Latviako aireportuan, eta munduko beste zenbait herrialdeetatik Ukraniara eta ingurura joaten ari diren soldadu eta militarren presentziaren isla da.

2022-02-24

Gatis Indrevics Handout

"No war in Ukraine"

Nazioarteko herritarren protesta eta manifestaldiak ere hasi dira. Irudi honetan, adibidez, Suediako Stockholm hirian eginiko bat ikus daiteke, Errusiako enbaxadaren kanpoaldean.

2022-02-24

Claudio Bresciani

"Stop Russia"

Lituaniako Riga hirian ere batu dira Errusiaren jarreraren aurka manifestatzeko, eta Suedian bezala, Errusiako enbaxadaren kanpoaldean egin dute protesta.

2022-02-24

Toms Kalnins

Trenaren zain

Kotxez alde egiten saiatu dira herritar asko, baina beste hainbat Kieveko tren geltoki nagusira joan dira, trena hartzeko parada izango duten itxaropenarekin. Irudian, hainbat herritar, trena iritsiko zain.

2022-02-24

Stringer

Militar gehiago

AEBetako militar talde bat Bukaresten, Errumaniako ipar-mendebaldean. Apache AH-64 helikoptero militar bat egiaztatzen ari dira, Ukraina alderantz aireratu baino lehen.

2022-02-24

Sebastian Tataru

"Putin hands off Ukraine"

Norvegian ere jende andana bildu da Errusiak Ukrainaren aurka abiatutako operazio militarra gaitzesteko. Oslon bildu dira, Errusiako enbaxadaren aurrean. "Putin hands off Ukraine" gisako esaldiak irakurri ahal dira manifestarien eskuetan.

2022-02-24

Heiko Junge

Alemanian ere bai

Alemanian ere herritar ugari bildu da Errusiaren erasoen aurka mobilizatzeko. Argazkian, hainbat herritar abesten, Berlingo Brandenburgo atearen aurrean.

2022-02-24

Clemens Bilan

Erasoaren arrastoak Ukrainan

Zenbait eraikin kaltetu dira Errusiak egin duen operazio militarraren ondoren, Kharkiven (Ukrainan).

2022-02-24

SERGEY KOZLOV / EFE

«Free Ukraine. Denazify Russia»

Portugalen ere kalera atera dira herritarrak Errusiaren erasoen aurka mobilizatzeko. Putin Hitlerrekin alderatu dute zenbaitek, era Errusia «desnazifikatzeko» eskatu.

2022-02-24

JOSE SENA GOULAO / EFE