Azken partida
Pasa den larunbatean jokatu zuen Irribarriak, momentuz, bere azken partida dena. Peio Etxeberriaren ordez jokatu zuen Rezustarekin. 22-17 irabazi zieten Lasori eta Eskirozi. Maila onean aritu zen Aramakoa.
2023-02-18
Jagoba Manterola / Foku
Distira gutxirekin
Pilotari dagokionez bederen, azken urteak ez dira onak izan Irribarriarentzat. Ez du lortu bere lehen urteetako mailan aritzerik. Irudia pasa den urteko binakako txapelketakoa da.
2022-03-19
Jon Urbe / Foku
Aramakoa
Herriko frontoian, 2021ean egindako elkarrizketa batean.
2021-12-09
Jon Urbe / Foku
2020ko binakakoan
Bere ibilbidean zehar jotzaile ikusgarria izateagatik nabarmendu da Irribarria. Zenbait frontoitako erreboteraino bidali ditu pilotakadak.
2020-02-16
Juan Carlos Ruiz / Foku
Berriz txapeldun
Bere prestakuntzan egindako hobekuntzak eman zion saria Irribarriari: bigarrenez bilakatu zen buruz buruko txapeldun 2019an.
2019-06-09
Marisol Ramirez / Foku
Urrutikoetxeari, berriro
Bere lehen finalean bezala, Urrutikoetxea izan zen Aramakoaren aurkaria bigarrenean. 22-20 gailendu zen Irribarria.
2019-06-09
Marisol Ramirez / Foku
Azken finala
22 urte eskas zituela jantzi zuen buruz buruko bigarren txapela Irribarriak. Gutxik esango zuten hura izango zela bere azken finala.
2019-06-09
Marisol Ramirez / Foku
2019an, indartsu
2018.a urte txarra izan zen irribarriarentzat, baina finaletara itzuli zen hurrengo urtean. Binakakoa, ordea, galdu egin zuen Zabaletarekin: 22-19 Elezkano II.a-Rezustaren aurka.
2019-04-07
Monika del Valle / Foku
Ezin titulua errepikatu
2017an buruz buruko txapelketa nagusiko finalera heldu zen berriz ere. Han, ordea, Oinatz Bengoetxea beteranoa nagusitu zen (22-18).
2017-05-28
Monika del Valle / Foku
Binakakoan txapeldun
Binakako txapelketa nagusia irabazi duen pilotaririk gazteena ere bada Irribarria. Hogei urte zituen Aramakoak.
2017-04-09
Marisol Ramirez / Foku
Rezustarekin
2017ko apirilean lortu zuen binakako txapela, BeƱat Rezustarekin batera. 22-14 irabazi zioten Bengoetxea VI.a-Larunbe bikoteari.
2017-04-09
Marisol Ramirez / Foku
Txapeldunaren gorriarekin
2016ko lau eta erdiko txapelketaren aurkezpenekoa da argazkia. Txapelketa horretan ez da sekula iritsi finalera Irribarria.
2016-09-28
Luis Jauregialtzo / Foku
Aramako txapelduna
Ziur aski, euskal herritar askok Irribarriari esker izango zuten Aramaren (Gipuzkoa) berri. 200 biztanle eskas ditu herriak.
2016-05-30
Gorka Rubio / Foku
Inoiz izan den txapeldunik gazteena
Irribarria 19 urte eskas zituela bilakatu zen buruz buruko txapeldun, debuta egin eta urtebete eskasera, bere lehen parte hartzean. Finalera iristeko, Aimar Olaizola (22-14) eta Oinatz Bengoetxea (22-10) kanporatu zituen.
2016-05-29
Monika del Valle / Foku
Urrutikoetxeak ezin
Finalean aurreko urteko txapelduna izan zuen parean Irribarriak, baina ari ere aise irabazi zion (22-13). Aramakoaren pilotakadek zur eta lur utzi zituzten pilotazaleak.
2016-05-29
Monika del Valle / Foku
Irujoren itzalean
Iker Irribarriaren agerpenak pilotazale asko utzi zituen txundituta. Izugarriak izan ziren bere lehen hilabeteak. Izan zen Aramakoaren eragina Juan Martinez de Irujok urte batzuk lehenago izan zuenarekin alderatu zuenik ere.
2015-12-08
Andoni Canellada / Foku
Lehen finala
Irribarriak 2015eko martxoaren 22an egin zuen debuta profesionaletan, eta hiru hilabete bete aurretik jokatu zuen lehen finala: bigarren mailako buruz burukoa. Victor Estebanek irabazi zion (22-17).
2015-06-06
Juan Carlos Ruiz / Foku
Zaleen babesa
Bere ibilbidearen hasieratik izan du Irribarriak zaleen babesa. Irudian Tolosan (Gipuzkoa), bigarren mailako buruz burukoko finalean.
2015-06-06
Juan Carlos Ruiz / Foku
Gaztetatik finaletan
BERRIA txapelketa hartako finala jokatu zuen Irribarriak, Hernanin (Gipuzkoa).
2012-03-24
Andoni Canellada / Foku
BERRIA txapelketan
2012ko otsailean, etxean, Aramako (Gipuzkoa) frontoian. BERRIA txapelketako kanporaketa bat jokoan, atzean Xabi Tolosa duela. 15 urte zituen Irribarriak.
2012-02-19
Juan Carlos Ruiz / Foku