Sartu

Izan BERRIAlaguna

Argazkiak

Sakabanaketaren irudiak

Presoak urruntzeko politikaren aurka ehunka mobilizazio egin dira Euskal Herrian azken hamarkadetan. Hona sakabanaketak utzitako irudietako batzuk. / 2023-03-24

Argazki Bildumak

Herrerarako martxak

Herrera de La Manchako (Espainia) espetxera eginiko martxa 1984an. Orduan izan ziren lehenengo martxak.

1984-00-00

Egunkaria

Ortega Lara

ETAk Jose Antonio Ortega Lara kartzela funtzionarioa bahitu zuen, 1996ko urtarrilean. 532 egun izan zuen bahituta, eta sakabanaketa amaitzeko eskatu zuen ETAk hura askatzearen truke. Azkenik Guardia Zibilak askatu zuen, Arrasaten ETAk tailer batean prestaturiko zulo batetik, eta bahitzaileak atxilotu zituzten. Horrek eraman zuen ETA Miguel Angel Blanco bahitzera handik egun gutxira.

1997-07-01

Edurne Koch

Miguel Angel Blanco

Miguel Angel Blanco PP Alderdi Popularreko Ermuko zinegotzia zen. 1997ko uztailaren 12an, buruan bi tiro zituela aurkitu zuten, hil-hurren, ETAk bahitu eta bi egunera; biharamunean hil zen. Argazkian, Donostiako Ospitaleko larrialdietara iritsi berritan. Presoak Euskal Herriratzeko eskatu zion ETAk Espainiako Gobernuari, hura ez hiltzearen truke. Madrilek ezetz esan zuen, eta erakundeak zinegotzia hil zuen.

1997-07-12

Ander Gillenea

Olentzero, Algecirasen

Algecirasko (Espainia) kartzelaraino eraman zuten Gabonetako elkartasun ekintza.

1998-12-23

JAGOBA MANTEROLA

Otegi, Arzalluz eta Garaikoetxea

Arnaldo Otegi, Xabier Arzalluz eta Carlos Garaikoetxea presoen aldeko Bilboko manifestazioan elkarrekin pankarta eramaten.

1999-01-09

Luis Tejido / EFE

'Presoen eskubideen alde', EAJ ere bai

'Euskal presoen eskubideen alde' lelopean manifestaziora deitu zuten HBk, EAJk, IU-EBk, Zutikek, Batzarrek eta ABK-k. Gizarteko eta kultur munduko pertsona ezagun askok sostengua eman zioten ekimenari.

1999-01-09

Marisol Ramirez / FOKU

Manifestazioa Parisen

Presoen Euskal Herriratzearen alde Parisen eginiko manifestaldia. MIlaka pertsona joan ziren Euskal Herritik Frantziako hiriburura.

1999-01-16

Egunkaria

Presoekin Elkartasuna Taldeko bi kide Hendaiako geltokiko trenbidean kateatuta.

1999-05-19

Egunkaria

Trenak gelditzen.

Presoen Euskal Herriratzea eskatzeko egindako ekintza. Bi lagun trenbidera kateatu ziren, Basaurin, eta trenak gelditu zituzten. Beste hainbat lekutan antzeko ekintzak egin zituzten.

1999-06-30

Xouse Simal

Giraldilla. Presoen alde sevillan

Sevillako (Espainia) Atletismo Mundialetan, Giraldilla lehiaketaren maskota ofizialaren kopia bat egin, eta presoen aldeko mezua zabaldu zuten. Irudian, ekintzaileen kopia eta benetakoa, biak oholtza gainean dantzan, musika taldearekin. Bertan zeuden milaka kirolzaleek ikusi zuten ekintza, eta askoz gehiago nazioartean, telebistaren bidez.

1999-08-21

Egunkaria

Lizarra-Garazi ituna

Lizarra-Garazi Ituneko ordezkarien kontzentrazioa Arabako Foru Aldundiaren aurrean euskal presoen sakabanaketaren aurka.

1999-10-08

Egunkaria

Presoekin Elkartasuna Taldea

Presoekin Elkartasuna Taldeko lau kide Parisko La Sante espetxeko harresira igo ziren. Sakabanaketaren eta kanporatzeen kontrako pankarta ireki zuten eta megafoniaz euskal musika jarri zuten.

1999-12-07

Egunkaria

Senideak

Presoen senideak, Herrira-k antolatutako manifestazioan.

2013-01-12

Marisol Ramirez / FOKU

Herrira

Herrira erakundeak antolaturiko manifestazioa presoen eskubideen alde.

2013-01-12

Jon Hernaez / Foku

Istripuak

Javi Martinez presoaren bi lagunek auto istripua izan zuten. Jaen II espetxean daukate presoa, Andaluzian, eta Somosierra inguruan izan zuten istripua (Espainia).

2013-03-24

'Now Euskal Herrira'

'Now Euskal Herrira', Sarek Bilbon antolaturiko manifestazioa. Han ere Mirentxin gidariak protagonista.

2015-01-10

RAUL BOGAJO / FOKU

Mirentxinen martxa

Furgoneta martxa antolatu zuen Mirentxin gidarien elkarteak, Bilbon, maiatzaren 7rako, euskal presoen sakabanaketa salatzeko. Ekitaldiaren aurkezpenean, aizkolari batek furgoneta bat erdibitu zuen.

2016-04-29

Luis Jauregialtzo / Foku

Istripuak

Asier Ormazabal euskal presoaren bi lagunek ezbehar larria izan zuten, Teruelgo espetxetik itzultzean, Zaragoza inguruan (Espainia).

2017-06-00

Zaragozako Diputazioa

Orain Presoak

Orain Presoak manifestazioa, Bilbon. Milaka pertsona elkartu ziren.

2019-01-12

Aritz Loioa / FOKU

Orain Presoak

Orain Presoak manifestazioa, Bilbon.

2019-01-12

Aritz Loioa / FOKU

Errepidean.

Mirentxin gidarien furgoneta bat errepidean.

2020-10-10

Nagore Arin

Ikur berria

Etxerat-ek ikur berria aurkeztu zuen aurten, sakabanaketaren amaiera gertu zegoelakoan. 'Etxera Bidea Gertu' mezua ordezkatzeko bi gezi aukeratu zituzten, Euskal Herriko maparik gabe.' Euskal presoak Euskal Herrira' leloa ordezkatu du geroztik. Urtarrilaren 7ko manifestazioan kalean egon zen.

2023-01-07

Jaizki Fontaneda, Foku

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

 BERRIAlaguna

gezia
✕