Berria 
Asier Illarramendiren ibilbidea hamar argazkitan
Txuri-urdinen kapitainak ez du Realean jarraituko. Ekainaren 30ean amaituko zaio kontratua, eta ez du berrituko 33 urteko jokalariak. / 2023-05-24
Argazki Bildumak
Azken agurra
Asier Illarramendi, gaur, Anoetako prentsa aretoan. Malko artean azaldu ditu bere erabakiaren arrazoiak.
2023-05-24
Andoni Canellada / Foku
Amaiera duina
Lesioak tarteko, azken denboraldiak ez dira errazak izan kapitainarentzat, baina aurten maila onean lehiatzeko moduan dagoela erakutsi du. Ez du lesiorik izan, eta ondo jardun du zelairatu den bakoitzean.
2022-12-31
Andoni Canellada / Foku
Espainiako Kopa altxa zuena
Illarramendi, zoritxarrez, lesionatu egin zen Realak Athleticen aurka jokatu zuen Espainiako Kopako finalaren bezperako entrenamenduan. Hala ere, bera izan zen txuri-urdinek 32 urte eta gero lortu zuten lehen titulua altxatu zuena.
2021-04-03
RFEF
Kapitain
Xabi Prietok erretiroa hartu zuenean, 2018. urtean, Realeko lehen kapitain bilakatu zen Illarramendi. Bost urtez izan du ardura hori.
2018-08-31
Juan Carlos Ruiz / Foku
Euskal Selekzioarekin
Euskal Selekzioarekin hainbat alditan jokatu du Illarramendik, eta Espainiakoarekin ere egin zuen debuta neurketa ofizial batean, 2017ko urrian.
Irudian, 2015. urtean Camp Noun Kataluniaren aurka jokatutako partidan, Adurizekin eta Muniainekin.
2015-12-26
Alberto Estevez / EFE
Itzulera
Taldea utzi eta bi urtera, 2015ean, Realera itzuli zen Illarramendi. Txuri-urdinek 18 milioi euro ordaindu zizkioten Real Madrili, eta klubaren historiako fitxaketarik garestiena bilakatu zen. Hala izan da aurten Umar Sadiq 20 milioiren truk heldu den arte.
2015-08-26
Juan Carlos Ruiz / Foku
Xabi Alonsorekin
Real Madrilen Realaren harrobitik irtendako beste erdilari batekin jokatu zuen Illarramendik: Xabi Alonsorekin. Hainbatek haren ordezkotzat zuten, baina Mutrikukoaren ibilbidea ez zen espero bezain ona izan Espainiako taldean. Dena den, Espainiako Kopa bat eta Txapeldunen Liga bat lortu zituen.
2013-10-30
Kiko Huesca / EFE
Santiago Bernabeura, kuadrillarekin
Egun bat geroago aurkeztu zuten Real Madrileko jokalari gisa. Santiago Bernabeu estadioan egin zen aurkezpenean izan ziren, besteak beste, jokalariaren kuadrillako kideak, Florentino Perez presidentearekin. Ezaguna egin zen irudia.
2013-07-13
BERRIA
Lehen agurra
Reala Txapeldunen Ligara sailkatu berritan, taldean ez zuela jarraituko iragarri zuen Mutrikukoak. «Erabaki zaila» izan zela azpimarratu zuen, eta negar malkotan amaitu zuen agurreko prentsaurrekoa.
2013-07-12
Gorka Rubio / Foku
2012-2013, denboraldi historikoa
Reala Txapeldunen Ligara sailkatu zen 2012-2013 denboraldian, eta lorpen horren gakoetako bat izan zen Illarramendi, lehen taldeko kide bezela jokatu zuen bigarren denboraldian.
Irudian, San Mames zaharrean jokatu zen azken derbian. Txuri-urdinek 1-3 irabazi zuten.
2013-02-02
Luis Jauregialtzo / Foku
Debuta
Realaren egungo taldean, Asier Illarramendi da txuri-urdinekin Bigarren Mailan jokatu zuen jokalari bakarra. 2009-2010 denboraldiko azken jardunaldian egin zuen debuta, Elxen (Herrialde Katalanak). Realak 4-1 galdu zuen, baina jada ziurtatuta zuen lehen postua.
2010-04-17
Juan Carlos Ruiz / Foku
