Sartu

Izan BERRIAlaguna

Argazkiak

Udalen osaketa

Hego Euskal Herriko alkateak hautatzeko eguna da gaurkoa, eta goizean goiz eki diote zenbait udaletan. Hiru hiriburutako alkatetzak zehaztu dira: Maider Etxebarria (PSE-EE) izango da Gasteizko alkate, Donostian Eneko Goiak (EAJ) jarraituko du, eta Juan Mari Aburtok (EAJ) Bilboko alkate izaten jarraituko du. / 2023-06-17

Argazki Bildumak

Maider Etxebarriak eskuratu du Gasteizko alkatetza, EAJren eta PPren botoei esker

EH Bildurena izan zen zerrenda bozkatuena Gasteizen, baina alkatetza Maider Etxebarria sozialistak eskuratu du, PSE-EEren, PPren eta EAJren aldeko botoei esker. Denera, Etxebarriak hemezortzi boto jaso ditu, eta EH Bilduko Rocio Viterok bederatzi —EH Bildurenak eta Elkarrekin Podemosenak—.

2023-06-17

Endika Portillo, Foku

Aburto, Bilboko alkate berriro

Bilbon ere ez da ezustekorik egon, eta Juan Mari Aburto aukeratu dute alkate, berriro. Bigarren alderdi bozkatuena, EH Bildu, ia bikoiztu egin zuen botoetan maiatzaren 28ko hauteskundeetan.

2023-06-17

Miguel Toña, EFE

Eneko Goia Donostiako alkate izango da beste lau urtez

Donostian, EH Bilduko Eneko Goia eta EH Bilduko Juan Karlos Izagirre aurkeztu dira alkatetzara. Bakoitzak bere alderdikideen babesa jaso du: bederatzi boto Goiak eta zortzi Izagirrek; gainerakoek zuri bozkatu dute. Horiek hala, inork ez du gehiengo osoa eskuratu, eta zerrenda bozkatuena gailendu da: EAJ.

2023-06-17

Juan Herrero, EFE

Omnia taldeari esker, EH Bildurentzat da Laudioko alkatetza

EH Bilduk eta EAJk ia berdindu egin dute azken udal hauteskundeetan, baina hirugarren talde bozkatuenaren babesa lortu du EH Bilduk. Omnia herri plataforma da koalizio abertzaleari alkatzetza lortzea lagundu diona. Ainize Gataska da alkate berria.

2023-06-17

Oskar Matxin Edesa, Foku

Abotsanitzeko Igor Enparan da Hondarribiko alkate berria, EH Bilduren laguntzaz

Hondarribiko udal hauteskundeak Abotsanitzek irabazi zizkion EAJri, 48 botoko aldeaz. Alde horrekin zinegotzi bat gehiago eskuratu zuen herri plataformak, eta nahikoa izan zaio alde hori alkatetza eskuratzeko. EH Bilduren aldeko botoak izan ditu Igor Enparan buru den hautagaitzak, eta EAJk berriz, PSNrenak. Hala, 9-8ko markagailuarekin, Enparan da Hondarribiko alkate berria.

2023-06-17

Foku

Eguesibar, UPNrentzat

UPNko Xuriñe Peñas da Eguesibarko (Nafarroa) alkatea, PPren botoei esker. UPNren eta EH Bilduren hautagaitzek zazpina boto lortu dituzte, baina UPNrentzat da aginte makila. Egues Biziren abstentzioak eman dio alkatetza Peñasi.

2023-06-17

Aitor Karasatorre, Foku

EH Bilduko Andoni Alvarez da Andoaingo alkate berria

Andoaingo (Gipuzkoa) PSEko alkate ohiak aginte makila eman dio EH Bilduko Andoni Alvarezi. Hamazazpi bototik aldeko bederatzi jaso ditu koalizio abertzaleak; 2019ko hauteskundean galdu zuen alkatetza.

2023-06-17

Jon Urbe, Foku

Pasaia, EH Bildurentzat

Pasaian (Gipuzkoa), EH Bilduk zortzi zinegotzi eskuratu zituen maiatzeko bozetan, EAJren PSE-EEren arteko baturak adina. Horiek hala, Teo Alberrok (EH Bildu) nahikoa zuen Elkarrekin Podemosen abstentzioa alkate kargua bereganatzeko. Halere, bi aldeek akordioa itxi dute, eta bederatzi botorekin, gehiengo osoa eskuratu. Azken legealdian PSE-EEk izan du alkatetza.

2023-06-17

Foku

EH Bildu Tolosako alkatetzara itzuli da

Andu Martinez de Rituerto da Tolosako (Gipuzkoa) alkate berria. EAJk zuen aginte makila, baina maiatzaren 28ko hauteskundeetan gehiengo absolutua lortu ostean (17tik 9 zinegotzi), koalizio subiranista agintera itzuli da.

2023-06-17

Jon Urbe, Foku

Suspense luzearen ondoren, Gorroño da Gernika-Lumoko alkate

EAJren babesa lortu du Jose Mari Gorroño alkatearen plataformak. Bi hilabete barru kargua utziko duela adierazi du, eta Iñaki Gorroño zinegotzia aurkeztuko dutela hautagai.

2023-06-17

Oskar Matxin Edesa, Foku

Bastidan PPk gobernatuko du

Bastidan (Araba) ez du hautagairik aurkeztu EAJk, eta, beraz, PPk gobernatuko du legealdi berrian. EAJren eta EH Bilduren botoak batuta alkatetza lortu zezaketen, baina Arabako Buru Batzarraren erabakia izan da hautagairik ez aurkeztea. Horren ondorioz, Bastidak EAJko hiru zinegotziek alderdia uztea erabaki dute, eta «ezinegona eta nazka» sentitzen dutela adierazi dute.

2023-06-17

Endika Portillo, Foku

Gidoia bete du PSNk, alkatetza UPNren esku utzita

Ez da azken orduko ezustekorik gertatu. Iragarria zegoen bezala, UPNko Cristina Ibarrola izanen da Iruñeko alkate datorren legealdian, PSNk EH Bilduri ezarritako betoaren ondorioz. Maiatzaren 28ko hauteskundeek sozialisten esku utzi zuten alkatetza alde batera edo bestera lerratzeko giltza, eta aukera baliatu dute, boto zurien bidez, aginte makila eskuinaren esku uzteko.

2023-06-17

Jesus Diges, EFE

Asironek, jendearen babesa

Udalbatza amaitu ondoren, herritar talde bat zuen zain Joseba Asiron EH Bilduko alkategaiak. Txalo eta besarkada artean hartu dute.

2023-06-17

Jagoba Manterola, Foku

Saizi oihu egin diote atera denean

Elma Saiz PSNko kidea Iruñeko udalbatzatik atera denean, kanpoan zeudenek oihu egin diote. "Traidore" deitu diote, besteak beste, EH Bilduren alkategaiari betoa jartzeagatik.

2023-06-17

Jagoba Manterola, Foku

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

 BERRIAlaguna

gezia
✕