Euskara ofiziala, Nafarroa osoan
«Nafarroan bizi diren pertsona guztien eskubide linguistikoak errespetatzea bermatu behar dugu, besteak beste, hezkuntza euskaraz jaso ahal izatearena. Euskal hiztunok euskara Europan ofizial izatea merezi dugu, eta, nola ez, Nafarroa osoan ere bai». Izaskun Errazkin Etxarri-Aranazko Andra Mari ikastolako zuzendariordearen hitzak dira, hasiera ekitaldian esandakoak.
2023-10-08
Idoia Zabaleta, Foku
Lainoa eta eguzkia
Andra Mari ikastolako ekitaldiak hartu zuten parte hasiera ekitaldian. Goizean goiz, behe lainoak ezer gutxi ikusten uzten bazuen ere, eguzkia atera zen gero eta giro paregabea izan zen.
2023-10-08
Idoia Zabaleta, Foku
Lehen gunea, ikastolan
Hiru gune izan zituen Nafarroa Oinezek Etxarri-Aranatzen. Ibilbide laburra, baina ekitaldiz betea izan zen. Lehen gunea Andra Mari ikastola parean egon zen. Han egon ziren, besteak beste, 'Goazen' telebista saioko gazteak kantuan.
2023-10-08
Idoia Zabaleta, Foku
Erraldoiak, Oinez
Etxarri-Aranazko erraldoiak ere atera ziren ibilbidera. Txistulariak eta kantu jira ere ez zen falta izan.
2023-10-08
Idoia Zabaleta, Foku
Kale ikuskizunak
Askotariko ikuskizunez gozatu ahal izan zen kalean. Are gehiago, itzaletan baziren. Bero handia egin zuen eguerditik aurrera.
2023-10-08
Idoia Zabaleta, Foku
Ikastolen arteko erronka
Goizeko lehen ekitaldietako bat ikastolen arteko erronka izan zen. Bigarren gunean egin zen, eta Nafarroako hainbat ikastoletako ikasleek hartu zuten parte. Irabazleak? Parte hartu zutenak. Saria? Goiz pasa ederra.
2023-10-08
Idoia Zabaleta, Foku
Jendetza ibilbide osoan
Hiru guneak lotzen zituen ibilbidean batu zen jendetza. Eguzkiak gogor jo zuen arren, hara eta hona ibili ziren euskaltzaleak, eguzkipean.
2023-10-08
Idoia Zabaleta, Foku
Bazkaltzeko ordua
Itzala besterik ez zuten behar izan Oinezera hurbildu zirenak bazkari on batetaz gozatzeko. Edozein txoko zen egokia horretarako. Ogitartekoak eta taloak zeuden aukeran, eta boluntarioen lanari esker, usoek hegan bezala atera zituzten: azkar eta ondo.
2023-10-08
Idoia Zabaleta, Foku
Izozki saltzailea ere, jo eta su
Ibilbidean izozkiak saltzen zituzten hainbat furgoneta jarri zituzten antolatzaileek, eta saltzaileak jo eta su aritu ziren izozkiak saltzen. Edozein ordu zen ona izozki bat jateko atzo.
2023-10-08
Idoia Zabaleta, Foku
Musika ere, protagonista
Gazte asko hurbildu ziren kontzertuetara. Egitarauak horretarako aukera eman zuen. Alerta Gorria, Nafarroa 1512, Gozategi... Jendetza hurbildu ziren, zahar eta gazte; baina gazteagoak gehiago.
2023-10-08
Idoia Zabaleta, Foku
Beriain, zaindari
Lasaitasuna Beriainen, festa Etxarri-Aranatzen. Aralar eta Andia mendilerroen artean kokatuta, inguruko paraje naturalez gozatzeko aukera eman zuen Oinez-ek atzo, gazteek musikaz gozatzen zuten bitartean.
2023-10-08
Idoia Zabaleta, Foku
Ikurrinak eta Nafarroako banderak
Euskararen aldeko jaietan ohikoa den moduan ikurrinak eta Nafarroako banderak ez ziren falta izan atzo Etxarri-Aranatzen. Aurten Frantziako Tourrean eta Espainiako Vueltan batetik bestera ibili zen ikurrina erraldoia jarri zuten herrirako sarreretako batean, bi garabik helduta: 'Euskal Herriak erabaki', zioen. Ibilbidean eta kontzertuetan ere ikusi ahal izan ziren Euskal Herriko bi ikur horiek.
2023-10-08
Idoia Zabaleta, Foku
Berria 
