Sartu

Izan BERRIAlaguna

Argazkiak

Telesforo Monzonen mendeurrena

Politikagintzan zein kulturgintzan nabarmendu zen Telesforo Monzon. Arlo biak uztartuz, leku nabarmena izan zuen XX. mendeko Euskal Herriko historian. / 2004-12-01

Argazki Bildumak

Hizlari bikaina gazte-gaztetatik

Telesforo Monzonek gazte-gaztetatik erakutsi zituen dohain bikainak jendaurrean hitz egiteko. Bizitza osoan hamaika hitzaldi eta mitin eman zituen.

0000-00-00

Hitzak eta idazkiak

Maria Josefa Ganuza, bizitza osoko lagun

31 urte zituela, 1935ean, ezkondu zen Maria Josefa Ganuzarekin, eta bizitza osoko lagun izan zuen harrezkero. Abertzaletasunarekin engaiatutako emakumea izan zen Ganuza 2002ko maiatzaren 10ean hil zen arte.

0000-00-00

Hitzak eta idazkiak

EAJko kide urte luzez

1930ean egin zen Monzon EAJko kide, eta alderdi jeltzalean iraun zuen harik eta 1977an kanporatu zuten arte. Urte horreta huts egin zuen Txibertan abertzaleen fronte bat egiteko Monzonek bultzatutako saioak. Argazkian urteetan alderdikide izandako Manuel Irujorekin ageri da. Adiskide handiak ziren.

0000-00-00

'Hitzak eta idazkiak'

Bi belaunaldiren arteko zubia

Beti abertzaletasunarekin engaiatuta, piskanaka EAJtik aldendu eta ETAren inguruan batu zen belaunaldi berrira hurbildu zen. Argala ETAko buruzagi zenarekin ageri da argazkian.

0000-00-00

'Hitzak eta idazkiak'

Kulturgile

Monzon idazlea zen politikari bezainbat; politikari baino gehiago askoren ustez. Poesia izan zuen aurrenekoa adierazpide, baina antzerkigintza eta kantugintza hautatu zituen gero. Antzerkigintzan dozenerditik gora lan idatzi zituen, 1960ko hamarkadan gehienbat. Argazkian bere antzeslanetako bat taularatu zuen Heletako taldearekin ageri da, eta, halaber, Piarres Larzabal adiskidearekin.

0000-00-00

'Hitzak eta idazkiak'

Sorterrira itzulera

Franco hil ondoren, 1977an, itzuli ahal izan zuen Monzonek Bergara jaioterrira. Harrera beroa egin zioten.

0000-00-00

'Hitzak eta idazkiak'

HBko diputatu

47 urteko ibilbidearen ostean, EAJtik kanporatu zuten 1977an. HBrekin bat egin zuen, eta 1979an diputatu hautatu zuten koalizio horrekin. Urte gogorra izan zen: eskuin muturreko talde bat Monzon hiltzen saiatu zela agerian utzi zuen Espainiako =i Interviu =i aldizkariak; halaber, espetxera ere eraman zuten urte hartan. HBko kideekin prentsaurreko bat ematen ageri da argazkian.

0000-00-00

'Hitzak eta idazkiak'

Hil eta gero ere lasaitasunik ez

1981eko martxoaren 9an hil zen, Baionako Ospitalean. Monzonen gorpua Bergara jaioterrira eramateko hainbat arazo eta istilu izan ziren: muga pasatu eta segituan, Pasaian, Espainiako Poliziak hilkutxa hartu eta beren furgoneta batean sartu zuen. Hala eraman zuten Bergararaino. Poliziak gorpua hartu zuen unekoa da irudia.

0000-00-00

'Hitzak eta idazkiak'

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.

Izan

 BERRIAlaguna

gezia
✕