Garoñako zentral nuklearra eraisten hasiko da Espainiako Gobernua

closeLatinez, 'egitez'.
Garoñako zentral nuklearra eraistekocloseBotatzeko.
lanak abiatuko ditu laster Espainiako Gobernuak. Bi fasetan deseraikiko dute zentrala, eta lanek hamar urte irautea aurreikusten dute, 2033. urtera arte. 475 milioi euroren kostua izango dute, eta bolada batzuetan 350 pertsonari ere emango diete enplegua. Prozesu horri kasu egingo diola adierazi du Araba Garoña Gabek: plataforma pozik agertu da albistearekin, baina ohartarazi du segurtasun neurriak gertutik zaindu behar direla.

Araba Garoña Gabe plataforma pozik agertu da albistearekin, baina ohartarazi du segurtasun neurriak gertutik zaindu behar direla.

Burgosen (Gaztela eta Leon, Espainia) dago Santa Maria de Garoñako zentral nuklearra, Arabatik oso hurbil, eta horrek eragin du euskal erakunde eta gizarte mugimendu asko borrokatu izana hura ixteko. 1971n inauguratu zuten, eta 2012 amaieran itzali egin zuen Nuclenor enpresak berak. Berriz abiatzeko mamua ez zen guztiz desagertu 2017ko abuztura arte: Endesak eta Iberdrolak Garoña ustiatzen segitzeko baimena berritzeko eskatua zuten, baina behin betikocloseBetirako.
ezezkoa eman zien Energia Ministerioak.

«Denon poltsikotik»

Eraiste lanek bi fase izango dituztela azaldu du ministerioak. 2026ra arte iraungo du lehenak: turbinaren eraikinaren egiturak eta osagaiak deseraikiko dituzte, eta, bertako hondakinak kudeatu ahal izateko, hainbat instalazio moldatuko dituzte; gainera, erregai erradioaktiboa urtegitik atera eta «behin-behineko biltegi» batera mugituko dute. Bigarren fasean, 2026tik 2033ra arte, behin erregaia aterata, «eraikin erradiologikoak» desmuntatuko dituzte, kutsadura kenduko dute eta ingurua «zaharberritukocloseLehengoratu.
» dute. 475 milioi euro erabiliko dituzte prozesuan, baina zenbaki horretan ez dute kontuan hartu erregai erradioaktiboen kudeaketak zer gastu eragingo duen.

475 milioi euro erabiliko dituzte prozesuan, baina zenbaki horretan ez dute kontuan hartu erregai erradioaktiboen kudeaketak zer gastu eragingo duen.

Ministerioak, halaber, azpiegituraren titulartasuna aldatzea baimendu du. Orain arte, Nuclenorrena izan da Garoñako zentral nuklearra: Iberdrolak eta Endesak osatua da Nuclenor. Aurrerantzean, ordea, Enresa enpresa publikoak hartuko du Garoña desegiteko ardura; hondakin erreaktiboak kudeatzeko sortu zuten, 1984an. Horren inguruan kritiko mintzatu da Araba Garoña Gabe: «Titulartasuna eskualdatzeak dakar, finean, zentrala deseraikitzeko lanak denon poltsikotik ordainduko direla, hau da, aurrekontu publikoetatik, eta ez Iberdrolak eta Endesak 40 urtean baino gehiagoan jasotako etekin gizenetatik».

Plataformak nabarmendu du aurrekontutik kanpo geratu dela hondakinen kudeaketa: «Ehunka urtez luzatuko da». Hain justu, lan horien inguruan kezka agertu du Araba Garoña Gabek: «Beren-beregiclosePropio.
eraikitako biltegi batera mugituko dute erregaia. De factocloseLatinez, 'egitez'.
, horrek esan nahi du Nuclenorrek hilerri nuklear bat utziko digula oinordetzancloseHerentzia.
n, gaur-gaurkoz gutxi baitu behin-behinekotik, ez baitago alternatibarik hondakinok biltegiratzeko. Hilerri nuklear inprobisatua, denbora mugagabean, horrek dakarren arrisku guztiekin». Izan ere, «kutsadura erradiologikorako arriskuaz» ere ohartarazi du, eta adierazi du segurtasun neurriak hartu behar direla zentralaren eragin gunean eta Ebro ibaiarenean.

«Nuclenorrek hilerri nuklear bat utziko digu oinordetzan, ez baitago alternatibarik hondakinok biltegiratzeko».

Araba Garoña Gabe plataforma