Hasi dira Garoñako zentral nuklearra husten

1971tik 2012ra bitarte egon zen martxan Garoñako zentral nuklearra. Zentral nuklearra itxita dago; baina martxan egon zen urte horietan guztietan erabilitako erregaia ur biltegian dago gordeta: 2.453 elementu erradioaktibo guztira.

Garoñako zentral nuklearraren barruan 400 tona uranio inguru dago. Guztira, erradioaktibitate handiko 49 edukiontzicloseGauzak garraiatzeko ontzi.
eraman behar dituzte ur biltegitik behin-behineko biltegira. Edukiontzi bakoitzak bi aste inguru behar ditu erregaia urtegitik atera eta biltegira eramateko. Oraingoz, bat bakarrik eraman dute, eta 160 orduko lana behar izan zuten horretarako. Kalkulatzen dute 2026. urte amaierarako erregai guztia egotea behin-behineko biltegian.

Edukiontziak biltegira eraman aurretik kutsadura kentzen diete: lehortu egiten dituzte, eta helioz egindako atmosfera geldo bat sortzen dute.

Edukiontziak biltegira eraman aurretik kutsadura kentzen diete, eta horretarako bi pauso egiten dituzte: lehortu egiten dituzte, eta helioz egindako atmosfera geldo bat sortzen dute barruko erregaiak narriatucloseHigatu, hondatu.
ez daitezen.

Lehen fase horretan, ur biltegia hustu eta kutsadura kenduko diote zentralaren eremu erradiologikoari, eta turbinaren eraikinaren osagaiak deseraikiko dituzte.

Lanen lehen fasean ur biltegia hustuko dute, erregai erradioaktiboarena, baina baita eraikinaren gainerako materialak ere. Bigarren fasean, materialik astunen eta handiena hustuko dute, eta, gero, eraikina botako dute. Bigarren faseak 2026tik 2033ra arte iraungo du.

Lehen fasea lau argazkitan

Ur biltegia. Garoñako zentral nuklearrak erabilitako erregaia ur biltegian gordeta dago. Horiek dira zentralak sortutako erradioaktibitate handiko hondakinak. RAUL BOGAJO / FOKU

Behin-behineko biltegia. Haiek tokiz aldatzea eta gordetzea da eraistecloseBotatze. prozesuaren lanik konplexuena. Ur biltegia erreaktorecloseFisio nuklearrak sortzen eta kontrolatzen dituen instalazioa.aren ondoan dago, eta handik 300 metrora eraikiko duten behin-behineko biltegia. Hondakin horiek behin-behinean izango dituzte hor, baina ez dute zehaztu hori zenbat urte izango den. ENRESA

Hondakinak desklasifikatzeko gunea. Zentralaren hondakinak desklasifikatzeko, hainbat instalazio egokitu dituzte. 20.500 tona hondakin sortuko direla kalkulatu dute, eta horietatik %20 erradioaktiboak izango direla. RAUL BOGAJO / FOKU

El Cabril hilerri nuklearra. Erradioaktibitate txikiagoko hondakinak —5.900 metro kubo txiki-ertainekoak, eta 7.500 oso txikikoak— Cordoban eraiki duten El Cabril hilerri nuklearrera eramango dituzte. Hondakinak bidoietan eramango dituzte. Oraindik ez dute halako hondakinik bertara eraman. SALAS / EFE